Qala ákimdigi 25 mamyrdan bastap 3 631 kásiporyn qaita ashylady dep josparlap otyr. Sonda taǵy 84,2 myń adam jumysqa oralady.
Olarǵa jumysqa kirisýde qoiylatyn mańyzdy sharty - bir otbasynyń múshelerin qospaǵanda, kórshi ústelderde otyrǵan qonaqtardyń arasyndaǵy qashyqtyq keminde 2 metr, al bir ústelge otyratyn adamdar sany 4 adamnan aspaýyn qamtamasyz etý.
Qoǵamdyq tamaqtandyrý oryndarynyń jumysyna saǵat 23.00-ge deiin ruqsat etiledi. Birinshi kezeńde banketter men merekeler ótkizýge tyiym salynady. Sondai-aq, bul kezeńde karaoke, biliard bólmeleri jáne qoǵamdyq tamaqtaný aýmaǵynda jumys isteitin basqa da oiyn-saýyq oryndarynyń jumysyna tyiym salynady. Karantin kezeńinde kalian-barlar jumysyna tyiym salynady.
2020 jyldyń 25 mamyrynan bastap karantindik sharalardy jumsartý kezeńi boiynsha qala basshylyǵy buryn jabylǵan azyq-túlik bazarlary men ámbebap bazarlardyń azyq-túlik qatarlarynan shekteýlerdi alyp tastady. Al karantin kezeńinde qaladaǵy 23 bazardyń 13-i ǵana jumys istegen.
Ákimdik azyq-túlik bazarlary kezeń-kezeńimen ashylatynyn atap ótti: qaladaǵy epidemiologiialyq jaǵdaiǵa jáne nysandardyń daiyndyǵyna bailanysty.
25 mamyrdan bastap Almatyda 16 HQKO ashyldy, onyń ishinde bes arnaiy HQKO, eki kóshi-qon ortalyǵy jáne eki sandyq qyzmet ortalyǵy bar.
