Qarjy monitoringi agenttiginiń (QMA) Almaty qalasy boiynsha departamenti elektrondyq tutyný júieleriniń (veip), dámqosqyshtar men arnaiy suiyqtyqtardyń zańsyz ainalymymen ainalysqan uiymdasqan toptyń áreketine núkte qoidy, dep habarlaidy Dalanews.kz.
Tergeý málimetinshe, tyiym salynǵan ónimder Telegram messendjerinde “ESCOBAR OPTOM” ataýymen satylyp, tapsyrystar kýrerler arqyly jetkizilgen.
Jedel-izdestirý sharalary barysynda qala aýmaǵyndaǵy birneshe qoima men jasyryn satý oryndary anyqtaldy. Tintý kezinde 150 myńnan astam elektrondy qurylǵy men veip ónimderi tárkilendi. Aldyn ala esep boiynsha, olardyń zańsyz satylymynan túsetin paida 1 milliard teńgeden asýy múmkin edi.
Tergeý barysynda bul ónimderdiń kámeletke tolmaǵandar, sonyń ishinde mektep oqýshylary arasynda keńinen taralǵany belgili boldy. Uiymdastyrýshylar veipterdi ádeii jasóspirimderge jetkizip, olardyń densaýlyǵyna eleýli qaýip tóndirgen.
Qazir atalǵan fakti boiynsha qylmystyq is qozǵalyp, tiisti tergeý amaldary júrgizilýde. QR Qylmystyq-protsestik kodeksiniń 201-babyna sáikes ózge derekter jariialaýǵa jatpaidy.
