Almaty ákimi Erbolat Dosaevtyń tapsyrmasy boiynsha ótken jyldan bastap UOS ardagerleri kelesi baǵyttar boiynsha tegin meditsinalyq kómek ala bastaǵan bolatyn. Bul rette jalpy praktika dárigerleri men naqtyly mamandardyń keńeitilgen tekserip, taldaýdar alyp soǵys ardagerleriniń densaýlyǵyn baqylap keledi. Sonymen qatar taldaý kórsetkishteri boiynsha ardagerler EKG, ÝDZ, KT jáne MRT-tan tegin óte alady. Budan basqa Almatyda soǵys ardagerleri úshin statsionarda ońaltý, sanatorii-kýrorttyq emdeý jáne stomatologiialyq kómek kórsetý de qarastyrylǵan.
2023 jyldyń basynan beri 4 ai ishinde TMKKK jáne MÁMS aiasynda UOS-nyń 3243 qatysýshysy jáne olarǵa teńestirilgen adamdar keńeitilgen meditsinalyq tekserýden ótti. Jyl sońyna deiin osy sanattaǵy almatylyqtardyń 100%-y keńeitilgen meditsinalyq tekserýden ótedi.
Barlyq júre almaityn naýqastardy ai saiyn ýchaskelik dárigerler nemese medbikeler tekseredi. Dári-dármekterdi úige tegin jetkizý uiymdastyryldy. Jyl sońyna deiin 3900-den astam ózdiginen júre almaityn patsient úiinde tolyq meditsinalyq tekserýden ótedi.
Stomatologiialyq kómek, onyń ishinde tis protezdeý, aǵymdaǵy jyldyń basynan bastap 673 patsientke kórsetilgen. Osy maqsattar úshin UOS ardagerleriniń qalalyq emhanasyna 2023 jylǵa Almaty biýdjetinen 27 mln teńge bólindi.
Barlyq meditsinalyq uiymdarda UOS ardagerlerine jáne olarǵa teńestirilgen adamdarǵa únemi estelik syilyqtar men azyq-túlik sebetteri tapsyrylady.
Almaty ákiminiń tapsyrmasy boiynsha áleýmettik qyzmettiń mamandary ardagerlerdi turaqty aralaidy, sonyń nátijesinde olarǵa qandai kómekter qajet ekenin anyqtaidy jáne ony ataýly túrde kórsetedi.
- Jóndeý jáne montajdaý jumystary;
- Turmystyq qurylǵylardy alýǵa kómek kórsetiledi;
- Núkteli materialdyq kómek;
- Zańgerlik jáne basqa kómek.
Mysaly, Naýryzbai aýdanynyń ardageriniń kireberisiniń aǵash terezeleri jańasyna aýystyrylyp, esiginiń aldyna jańadan asfaltt tóseldi. Alataý aýdanynyń ardagerine 1,5 mln teńgege sý qubyry men káriz jelisin tartý jumystary júrgizildi. Ótinishter ártúrli jáne eshqaisysy nazardan tys qalmaidy.
Aǵa býyn almatylyqtardyń ómir súrý sapasy jaqsartý úshin megapoliste 50 myńnan astam adamǵa tegin áleýmettik qyzmet kórsetetin belsendi uzaq ómir súrýdiń 9 ortalyǵy jumys isteidi. 2023 jyly taǵy bir osyndai ortalyq ashý josparlanýda.
Biylǵy jyly Almaty qalalyq máslihat depýtattarynyń sheshimimen UOS ardagerleri men olarǵa teńestirilgen adamdarǵa birjolǵy kómek somasyn ulǵaitý maquldandy.
– Ókinishke orai, soǵys ardagerleri azaiyp barady. Almatyda 56 ardager turady. Men olardyń barlyǵy óz merekelerin aman-esen qarsy alǵanyn qalaimyn jáne biz olardy quttyqtaýǵa múmkindik aldyq. Kómek týraly: qarajat qarastyrylǵan, biz árbir UOS ardagerine million teńgeden tóleýdi josparladyq, depýtattardan olarǵa 1,5 mln teńgeden tóleý úshin taǵy bes júz myń teńge qosýdy suradym, – dedi qala ákimi ataýly kúnge tólem somasyn ulǵaitý bastamasyna túsinikteme bergende.
Birjolǵy áleýmettik kómektiń jalpy somasy 85,5 mln teńgeni quraidy
UOS ardagerlerine teńestirilgen adamdarǵa da 100 myń teńgeden birjolǵy tólemder qarastyrylǵan. Eńbek maidanynyń qatysýshylary, UOS qatysqan biraq qaitys bolǵan ardagerler men múgedekterdiń áielderi 50 myń teńgeden alady.
Jeńis kúnine orai jalpy somasy 975,4 mln teńgeniń áleýmettik tólemderin 13 290 almatylyq alatyn bolady.
