Almatydaǵy Abai alańynda «Ańyz dombyra» ataýymen Ulttyq dombyra kúni atalyp ótti. Megapolis turǵyndary men qala qonaqtary úshin sahnada halyq mýzykalyq aspabyna arnalǵan ánder, sondai-aq tanymal dombyrashylardyń oryndaýyndaǵy áigili kúiler shyrqaldy, – dep habarlaidy Dalanews.kz.
Tyńdarman qaýym «Sazgen sazy» folklorlyq-etnografiialyq ansambli men Asylbek Ensepovtyń oryndaýyndaǵy áigili kompozitsiialardy, «Qońyr» toby men Ardaq Balajanovanyń, Nurjan Janpeiisov jáne taǵy basqa óner maitalmandarynyń oryndaýyndaǵy halyq ánderin tyńdady.
Halyq mýzykasynyń tyńdarmandary Seken Turysbekovtiń avtorlyq oryndaýyndaǵy ánderin, sondai-aq Erbolat Mustafaev pen Nurken Áshirov kvartetiniń oqýshylarymen birge kórsetken ónerin tyńdady. Kenen Ázirbaevtyń ańyzǵa ainalǵan «Bastaý» kúiin Sholpan Darjanova oryndasa, Jienbai jyraýdyń attas týyndysyn Uljan Baibosynova, al «Súgirdiń termesi» kompozitsiiasyn Aigúl Elshibaeva oryndady. «Saltanat» bi ansambliniń qaitalanbas óneri mýzykalyq keshtiń kórkin qyzdyra tústi.
Merekelik keshte Aigúl Qosanova men Móldir Áýelbekova da óner kórsetti. «Maraldym», «Almatym júregimde», «Súgirdiń termesi», «Túrkiniń tamshy jańǵyryǵy» siiaqty kompozitsiialar keshke jinalǵan tyńdarman qaýymnyń júregin baýrap aldy. Keshti qazaq óneriniń maitalmany Roza Rymbaeva «Dombyra týraly ballada» ánimen támamdady.
