Almaty politsiiasy áleýmettik jelide ulttyq belgisi boiynsha qorlaityn málimdemeler jasaǵan Violetta P.-ǵa qatysty qylmystyq is qozǵady. Bul týraly jýrnalist Mihail Kozachkov habarlady, dep jazady Dalanews.kz.
Málimetke súiensek, áiel buǵan deiin jarnama kompaniiasynyń direktory bolyp jumys istegen, alaida qazirgi ýaqytta qyzmetinen bosatylǵan. Sondai-aq onyń Qazaqstan azamaty ekeni aityldy.
Jýrnalistiń jazýynsha, kúdikti Qazaqstan Respýblikasynyń táýelsizdigi men memlekettiligin moiyndamaityn pikirler aitqan, musylmandardy qorlaǵan jáne reseilik nasihatshy Vladimir Soloviovty qoldaǵan.
Bul málimdemeler kóptegen qazaqstandyqtyń narazylyǵyn týǵyzyp, politsiiaǵa jappai aryzdar túse bastaǵan.
Osyǵan bailanysty Almaty qalalyq politsiia departamenti resmi túsinikteme berdi.
Vedomstvonyń habarlaýynsha, atalǵan derek boiynsha qylmystyq is qozǵalǵan. Azamatsha P. anyqtalyp, politsiiaǵa jetkizilgen. Qazir onyń áreketterine Qazaqstan Respýblikasynyń qoldanystaǵy zańnamasyna sáikes quqyqtyq baǵa berilip jatyr.
Politsiia mundai áreketterge jol berilmeitinin atap ótti. Sondai-aq mártebesine ne ózge jaǵdailarǵa qaramastan, ulttyq belgisi boiynsha qorlaýǵa jol bergen barlyq azamat zań aiasynda jaýapkershilikke tartylatynyn eskertti.
Sonymen qatar Almaty politsiiasy ultaralyq kelisimdi buzýǵa baǵyttalǵan kez kelgen áreketke, arandatýshylyq jáne óshpendilik týdyratyn kontent taratýǵa qatań tosqaýyl qoiylatynyn málimdedi.
