Almatyda 2025 jyly uzyndyǵy 5,7 shaqyrym, aýmaǵy 23,4 gektar bolatyn Úlken Almaty ózeniniń jaǵalaýyn kóriktendirý jumystary bastalady, – dep habarlaidy Dalanews.kz Almaty qlasy Máslihatynyń baspasóz qyzmetine silteme jasap.
2025–2027 jyldarǵa arnalǵan tiisti biýdjet jobasy aldaǵy Máslihat sessiiasynda qaralady. Jobaǵa betondy tirek qurylymdaryn jańartý, jaiaý júrginshiler men velosiped joldaryn salý, kópirler ornatý, jaryqtandyrý tirekterin, beinebaqylaý kameralaryn, balalar men sport alańdaryn, demalys aimaqtaryn jáne modýldik qoǵamdyq dárethanalardy ornalastyrý kiredi. Sonymen qatar, aýmaqty kógaldandyrý jáne qaraý alańdaryn jasaý kózdelgen.
Aita ketsek, 2024 jyly Almatynyń Alataý aýdanynda Boraldai ózeni boiyndaǵy 24 gektar aýmaqty qamtityn jasyl aimaqty kóriktendirý aiaqtalǵan bolatyn. Bul jerde jaiaý júrginshilerge arnalǵan kópir, skeitpark, balalar men sport alańdary, oryndyqtar, qoqys jáshikteri jáne modýldik dárethanalar ornatyldy. Mundai jobalardyń tájiribesi kórsetkendei, kóriktendirilgen jaǵalaýlar men jasyl aimaqtar turǵyndardyń súiikti demalys ornyna ainalyp, qalalyq ortanyń sapasyn arttyrady.
