Týristerdiń qaýipsizdigin qamtamasyz etý maqsatynda taý baǵyttarynyń shalǵai toraptyq ýchaskelerinde spýtniktik bailanysy bar (qutqarý jasaqtaryna dabyl berý túimelerimen) jáne taýly jerlerde týristik navigatsiianyń biryńǵai júiesi bar 15 taý úishikterin ornatý aiaqtalýda. Memleket Basshysynyń kadrlyq áleýetti damytý jónindegi tapsyrmasyn oryndaý úshin gidter jáne ekskýrsovodtarǵa arnalǵan seminarlar, áýejai, temirjol vokzaldary qyzmetkerlerine arnalǵan fasilitatsiialyq treningter jáne basqa da biliktilikti arttyrý boiynsha treningter uiymdastyrylady. Mysaly, biyl qyzmet kórsetý salasynyń qyzmetkerleri úshin aǵylshyn tili boiynsha onlain-kýrstar ótkiziledi.
Taýly jerlerde týristik infraqurylymdy jaqsartý maqsatynda 1000 km-den astam taýly jaiaý soqpaqtar tsifrlandyryldy,onyń 663 km-den astamy (nemese 45 taýly baǵyt) abattandyryldy. Barlyq tsifrlandyrylǵan baǵyttar 2GIS jáne ViewRanger platformalarynda qol jetimdi. Atalǵan baǵyttar boiynda aqparattyq stendter, kórsetkishter, aqparattyq qalqandar, aqparattyq baǵandar, oryndyqtar men kúrkeler ornatyldy. Barlyq navigatsiialyq stendterde QR kodtary bar, onda týrister baǵyttyń kúrdeliligimen, onyń uzaqtyǵymen jáne ótý ýaqytymen tanysa alady.
Sonymen qatar, Úlken jáne Kishi Almaty shatqalynda jalpy uzyndyǵy shamamen 179 km bolatyn taý baǵyttary abattandyrylýda (búginde 40 kórsetkish, 24 oryndyq jáne 3 aqparattyq baǵan ornatylǵan). Atalǵan jumystardy osy jyldyń sońyna deiin aiaqtaý josparlanyp otyr. Kemping-aimaqtardy qurý boiynsha da jumystar júrgizilýde: osy jyldyń sońyna deiin «Gorelnik», «Prosveshenets», «Qyzylsai», «Kazachka» jáne «Lýnnaia» alańy jailastyrylatyn bolady. Búginde «Qaiyń toǵaiynda» bir kemping-aimaq ornatylǵan.
Sondai-aq, osy jyldyń qarasha aiynda «BI Group» kompaniiasy jalpy uzyndyǵy 23 km kelesi taý joldaryn abattandyrý jobasynyń II kezeńin aiaqtady:
- Medeý-Kimasar asýy-Fýrmanov shyńy-Panorama shyńy; 2. Kamenskoe plato-Kók Jailaý;
- Almarasan-Kók Jailaý.
Almaty qalasy Týrizm basqarmasynyń josparynda qalaǵa týristerdiń kelýiniń kórsetkishterin arttyrý kózdelýde. Almatydaǵy týristik aǵyndy qalpyna keltirý úshin fokýstyq naryqtarda aqparattyq jumystar júrgizildi. Almatyny onlain jáne offlain formatynda ilgeriletý 2022-2023 jyldary týrister aǵynyn ulǵaitady dep kútilýde. Aita keteiik, 2019 jyly Almatyǵa bir million týrist kelgen. 2020 jyly pandemiiaǵa bailanysty megapolistegi ishki týristerdiń sany azaiyp, 422 myń adamdy qurady, al 2021 jyldyń 2 toqsanynyń qorytyndysy boiynsha - 501,4 myńnan astam adam, onyń ishinde sheteldik – 54,2 myń adam, ishki týrister - 447,2 myńnan astam adam.
