الماتىدا تۋريستىك ينفراقۇرىلىمدى دامىتۋعا ۇلكەن كوڭىل بولىنۋدە. الماتى قالاسى اكىمىنىڭ ورىنباسارى ماقسات قيقىموۆ وڭىرلىك كوممۋنيكاسيالار قىزمەتىندە وتكەن بريفينگ بارىسىندا ساپار-ورتالىقتارى، گلەمپينگ-قوناق ۇيلەر سالىندى، سوقپاقتار اباتتاندىرىلدى، – دەپ حابارلايدى Dalanews.kz.

تۋريستەردىڭ قاۋىپسىزدىگىن قامتاماسىز ەتۋ ماقساتىندا تاۋ باعىتتارىنىڭ شالعاي توراپتىق ۋچاسكەلەرىندە سپۋتنيكتىك بايلانىسى بار (قۇتقارۋ جاساقتارىنا دابىل بەرۋ تۇيمەلەرىمەن) جانە تاۋلى جەرلەردە تۋريستىك ناۆيگاسيانىڭ ءبىرىڭعاي جۇيەسى بار 15 تاۋ ۇيشىكتەرىن ورناتۋ اياقتالۋدا. مەملەكەت باسشىسىنىڭ كادرلىق الەۋەتتى دامىتۋ جونىندەگى تاپسىرماسىن ورىنداۋ ءۇشىن گيدتەر جانە ەكسكۋرسوۆودتارعا ارنالعان سەمينارلار، اۋەجاي، تەمىرجول ۆوكزالدارى قىزمەتكەرلەرىنە ارنالعان فاسيليتاسيالىق ترەنينگتەر جانە باسقا دا بىلىكتىلىكتى ارتتىرۋ بويىنشا ترەنينگتەر ۇيىمداستىرىلادى. مىسالى، بيىل قىزمەت كورسەتۋ سالاسىنىڭ قىزمەتكەرلەرى ءۇشىن اعىلشىن ءتىلى بويىنشا ونلاين-كۋرستار وتكىزىلەدى.

تاۋلى جەرلەردە تۋريستىك ينفراقۇرىلىمدى جاقسارتۋ ماقساتىندا 1000 كم-دەن استام تاۋلى جاياۋ سوقپاقتار سيفرلاندىرىلدى،ونىڭ 663 كم-دەن استامى (نەمەسە 45 تاۋلى باعىت) اباتتاندىرىلدى. بارلىق سيفرلاندىرىلعان باعىتتار 2GIS جانە ViewRanger پلاتفورمالارىندا قول جەتىمدى. اتالعان باعىتتار بويىندا اقپاراتتىق ستەندتەر، كورسەتكىشتەر، اقپاراتتىق قالقاندار، اقپاراتتىق باعاندار، ورىندىقتار مەن كۇركەلەر ورناتىلدى. بارلىق ناۆيگاسيالىق ستەندتەردە QR كودتارى بار، وندا تۋريستەر باعىتتىڭ كۇردەلىلىگىمەن، ونىڭ ۇزاقتىعىمەن جانە ءوتۋ ۋاقىتىمەن تانىسا الادى.

سونىمەن قاتار، ۇلكەن جانە كىشى الماتى شاتقالىندا جالپى ۇزىندىعى شامامەن 179 كم بولاتىن تاۋ باعىتتارى اباتتاندىرىلۋدا (بۇگىندە 40 كورسەتكىش، 24 ورىندىق جانە 3 اقپاراتتىق باعان ورناتىلعان). اتالعان جۇمىستاردى وسى جىلدىڭ سوڭىنا دەيىن اياقتاۋ جوسپارلانىپ وتىر. كەمپينگ-ايماقتاردى قۇرۋ بويىنشا دا جۇمىستار جۇرگىزىلۋدە: وسى جىلدىڭ سوڭىنا دەيىن «گورەلنيك»، «پروسۆەششەنەس»، «قىزىلساي»، «كازاچكا» جانە «لۋننايا» الاڭى جايلاستىرىلاتىن بولادى. بۇگىندە «قايىڭ توعايىندا» ءبىر كەمپينگ-ايماق ورناتىلعان.

سونداي-اق، وسى جىلدىڭ قاراشا ايىندا «BI Group» كومپانياسى جالپى ۇزىندىعى 23 كم كەلەسى تاۋ جولدارىن اباتتاندىرۋ جوباسىنىڭ II كەزەڭىن اياقتادى:

1. مەدەۋ-كىماسار اسۋى-فۋرمانوۆ شىڭى-پانوراما شىڭى؛ 2. كامەنسكوە پلاتو-كوك جايلاۋ؛


2. الماراسان-كوك جايلاۋ.

الماتى قالاسى تۋريزم باسقارماسىنىڭ جوسپارىندا قالاعا تۋريستەردىڭ كەلۋىنىڭ كورسەتكىشتەرىن ارتتىرۋ كوزدەلۋدە. الماتىداعى تۋريستىك اعىندى قالپىنا كەلتىرۋ ءۇشىن فوكۋستىق نارىقتاردا اقپاراتتىق جۇمىستار جۇرگىزىلدى. الماتىنى ونلاين جانە وففلاين فورماتىندا ىلگەرىلەتۋ 2022-2023 جىلدارى تۋريستەر اعىنىن ۇلعايتادى دەپ كۇتىلۋدە. ايتا كەتەيىك، 2019 جىلى الماتىعا ءبىر ميلليون تۋريست كەلگەن. 2020 جىلى پاندەمياعا بايلانىستى مەگاپوليستەگى ىشكى تۋريستەردىڭ سانى ازايىپ، 422 مىڭ ادامدى قۇرادى، ال 2021 جىلدىڭ 2 توقسانىنىڭ قورىتىندىسى بويىنشا - 501،4 مىڭنان استام ادام، ونىڭ ىشىندە شەتەلدىك – 54،2 مىڭ ادام، ىشكى تۋريستەر - 447،2 مىڭنان استام ادام.