27–29 shilde aralyǵynda Almaty qalasynda «Túngi qaladaǵy balalar» respýblikalyq jedel-aldyn alý is-sharasy ótip jatyr. Bul týraly qalalyq Politsiia departamentiniń Jergilikti politsiia qyzmeti basqarmasy bastyǵynyń orynbasary Aitan Eleýsizov Óńirlik kommýnikatsiialar qyzmetinde málimdedi, dep habarlaidy Dalanews.kz.
Onyń aitýynsha, reidtiń basty maqsaty — kámeletke tolmaǵandar arasyndaǵy quqyqbuzýshylyqtyń aldyn alý, túngi ýaqytta ata-anasynyń nemese zańdy ókiliniń baqylaýynsyz júrgen balalardy anyqtaý jáne «Bala quqyqtary týraly» zań talaptarynyń saqtalýyn qadaǵalaý.
Arnaiy qurylǵan mobildi toptar quramyna iývenaldy politsiia inspektorlary men ýchaskelik politseiler kirgen. Is-sharanyń alǵashqy kúninde-aq birneshe zańbuzýshylyq faktileri tirkelgen:
-
saǵat 23:00-den keiin kóshede ata-anasyz júrgen 137 bala anyqtaldy. Olardyń ata-analaryna ÁQBtK-niń 442-babynyń 2-bóligi boiynsha ákimshilik shara qoldanyldy;
-
163 jasóspirim politsiia bólimshesine jetkizildi;
-
10 bala profilaktikalyq esepke alyndy;
-
9 jaǵdaida jasóspirimderdiń alkogol tutynǵany anyqtaldy;
-
6 oiyn-saýyq orny túngi ýaqytta kámeletke tolmaǵandardy kirgizgeni úshin zańdy buzǵan.
«Ata-analarǵa ákimshilik shara qoldanylyp, balalarmen túsindirý jumystary júrgizildi. Sondai-aq túngi ýaqytta jasóspirimderdi qabyldaǵan oiyn-saýyq oryndary da tirkeýge alynyp, tiisti sharalar qabyldanýda», — dedi Aitan Eleýsizov.
Reidpen qatar oqý oryndarynda, jastar uiymdarynda jáne áleýmettik jelilerde de aqparattyq-túsindirý jumystary bastaldy. Onda ata-analar men balalarǵa zań talaptary men jaýapkershilik sharalary týraly eskertilýde.
Aitan Eleýsizovtiń aitýynsha, «Túngi qaladaǵy balalar» — bir rettik aktsiia emes, balalardyń qaýipsizdigin qamtamasyz etýge jáne otbasyndaǵy qolaisyz jaǵdailardyń, jasóspirimder arasyndaǵy quqyqbuzýshylyqtardyń aldyn alýǵa baǵyttalǵan júieli jumys.
Politseiler mundai reidterdi jaz boiy jalǵastyrýdy josparlap otyr. Tártip saqshylarynyń aitýynsha, alǵashqy kúnderdiń ózinde-aq nátijeler baiqalǵan — qaladaǵy ahýal baqylaýǵa alynyp, áleýmettik turǵydan táýekel tobyndaǵy otbasylarmen jumys kúsheitildi.
