Almatydaǵy Orda City turǵyn úi kesheni sot sheshimimen buzylyp jatyr,- dep habarlaidy Dalanews.kz
Búgin Qalalyq qurylys baqylaý basqarmasy «Terekti» shaǵynaýdanyndaǵy Ainalma kóshesi, 183-ýchaskede ornalasqan zańsyz nysandy buzý bastalǵanyn habarlady. Buǵan deiin bul turǵyn úi kesheni BAQ-ta páter satyp alýǵa usynylmaityn turǵyn úiler tiziminde kórsetilgen bolatyn.
Anyqtalǵandai, qurylys salýshy – «Investment Stroy» JShS atalǵan turǵyn úi keshenin ruqsatsyz salǵan. Bul fakt jospardan tys tekserý barysynda anyqtalǵan.
Menshik iesine qatysty ákimshilik sharalar qabyldanyp, keiin Almaty qalasynyń Mamandandyrylǵan aýdanaralyq ekonomikalyq sotyna (SMES) nysandy buzý jáne shuńqyrdy qaita kómip tastaý jóninde talap aryz berilgen.
"2023 jylǵy 12 shildede sot Qurylys baqylaý basqarmasynyń talaptaryn qanaǵattandyrdy. Apelliatsiialyq shaǵym qaralǵannan keiin Almaty qalalyq soty SMES sheshimin ózgerissiz qaldyrdy. Is materialdary oryndaý úshin Ádilet departamentine jiberildi", - delingen habarlamada.
Nysandy buzý jumystary keshe sot oryndaýshylarynyń qatysýymen bastaldy.
Qalalyq qurylys baqylaý basqarmasy azamattarǵa jyljymaityn múlik satyp almas buryn turǵyn úi keshenine qatysty barlyq qujattardyń bolýyn mindetti túrde tekserýdi usynady.
Aqparatty WhatsApp anyqtamalyq arnasy arqyly alýǵa bolady: +7 705 89 66 000.
