Aǵymdaǵy jyldyń birinshi jartyjyldyǵynda Almatyda ShOB ónimin shyǵarý 28,4% - ǵa 5,5 trln teńgege deiin ulǵaidy. Qańtar-qyrkúiekte jumys istep turǵan ShOB sýbektileriniń sany 6,2%-ǵa 361,1 myń birlikke deiin ósti. Bul týraly qalalyq ekonomika basqarmasynan málimdedi, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Ekonomika basqarmasynyń boljamy boiynsha, Almatynyń 2025 jylǵa arnalǵan biýdjeti 20%-ǵa 2,1 trln teńgege deiin ulǵaiady.
– ShOB-ty qoldaý úshin 2024 jyly memlekettik biýdjetten sýbsidiialaýǵa, kepildik berýge jáne kreditteýge 53,1 mlrd teńge bólindi. 2024 jyldyń 9 aiynda 113,1 mlrd teńge nesie somasyna 1,7 myń jańa ShOB jobasyna qoldaý kórsetildi, ótken jyldary maquldanǵan 2 myńnan astam jobanyń syiaqy mólsherlemesiniń bir bóligin sýbsidiialaý túrinde qoldaý alýdy jalǵastyrýda, – dep habarlady ekonomika basqarmasy.
Bul Almatynyń jalpy ónim óndirýdegi ShOB úlesin 2024 jyly 60%-ǵa deiin, 2025 jyly 62%-ǵa deiin ulǵaitýǵa yqpal etedi. 2024 jyldyń birinshi toqsanynda ShOB úlesi 55,2%-dy qurady.
Almaty qalasy ekonomika basqarmasynyń habarlaýynsha, indýstrialdy jáne arnaiy ekonomikalyq aimaqtar alańdarynda jalpy somasy 452 mlrd teńgege 87 investitsiialyq joba iske asyrylýda. 2024 jyly 4,5 myń jańa jumys ornyn qurýmen 220 mlrd teńge somasyna 40 joba iske asatyn bolady.
