Jiynǵa jinalǵan 30-ǵa jýyq sheberler men óner adamdarynyń, ózgede qatysýshy kópshiliktiń aldynda sóz bastaǵan, mýzei jetekshisi Uljan Baibosynova bul jiynnyń úlken mańyzy men sebepterine toqtala kele: «Yqylas atyndaǵy halyq mýzykalyq aspaptar mýzeii 1980 jyly quryldy. Mýzeidiń qurylýyna, aiaqtanýyna úlken sebepker bolǵan, búgingi jiynǵa qatysyp otyrǵan, bizdiń sheberlerimiz. Biyl Elbasynyń «Bolashaqqa baǵdar: rýhani jańǵyrý» atty maqalasy shyqty. Maqalada qozǵalǵan ulttyq kod, ulttyq sanamyzdyń jańǵyrýy maqsatynda, kóptegen máseleler kóterildi. Soǵan orai mýzeige bailanysty jumystardy júzege asyrý maqsatynda sheberlerdiń «Sheberler keńesin» qurý arqyly qoǵamǵa keń túrde nasihattalatyn igi isterdi bastamaqpyz» – dedi.
[caption id="attachment_28428" align="aligncenter" width="640"]
Bundai bastamany birinshi bolyp qoldap, mýzeige Saparbek Dilmanovtai belgili sheberdiń, qundy mýzykalyq aspaptar kollektsiiasyn ótkizgen, sheber Baqytjan Dilmanov boldy.
Sheberler keńesiniń qurylýyna birden-bir sebepker bolǵan Baqytjan Dilmanov óz kezeginde: «Qazaqtyń ulttyq óneri men ulylaryn ulyqtaityn azamattar qosh keldińizder», – dep sózin bastap, sheberlerge ǵana emes, qazaq halqyna qajetti ulttyq mýzykalyq aspaptardyń jasalý jolyn, júiesin, jalpy ustalyqqa úiretip ketken – Dilmanov Saparbek Áliuly ekendigin aitty. Qandai qiynshylyq kezeńder basynan ótse de, ustalyǵyn tastamaǵan sheber Saparbek Dilmanov qazaqqa jańalyq ákelgen, bir ózi búkil halyq orkestrine mýzykalyq aspaptaryn daiyndaǵan taý tulǵa.
Mýzeige syiǵa berilgen, aspaptardyń quramynda dombyra tenor, alt sherter, prima qobyz, dabyl, sybyzǵy, daýylpaz, shartyldaq syndy ózge de qazaqtyń 17 túrli ulttyq aspaptary tanystyryldy.
Jiynnyń taǵy bir mańyzdy tusy – sheberler keńesiniń qurylýy. Mýzei janynan qurylǵan sheberler keńesiniń maqsaty aiqyndaldy. Olar: 1. Mýzykalyq aspaptar jasaýdy qaita jańǵyrtý; 2. Aspap tehnologiiasymen tájiribe almasý; 3. Mýzykalyq aspap jasaityn sheberlerdiń qoltańbasyn mýzeide qaldyrý; 4. Mýzykalyq aspap jasaýshy sheberlerdiń ónerin kópshilikke nasihattaý; 5. Sheberlerdiń jeke týyndylaryn mýzeige alý, mýzei jádigerleriniń sanyn arttyrý; 6. Mýzei aspaptaryn jańa qyrynan kórsetý, keleshekke saqtalýyna yqpal jasaý, bolashaǵyna jol salý.
[caption id="attachment_28430" align="alignright" width="183"]
Ortaǵa, belsendi qoǵam qairatkeri, qolóner sheberi Aitbergen Qulmenov shyǵyp, kezinde mýzei sheberhanasynda jumys istegen Saparbek Dilmanov, Mahmut, Tursynjan Qulmenovter syndy sheberlerdiń artynda qaldyrǵan izderi men olardyń óneriniń urpaqtarynda jalǵastyq tapqandyǵyn rýhani sabaqtastyqqa balady:«Rýhani jańǵyrý dep osy sheberlerdiń jańǵyrtqan óner týyndylaryn ataýǵa bolady» – dep sózin qorytyndylady.
Jiynǵa jalpy 30-ǵa jýyq sheberler qatysty. Olardyń qatarynda belgili sybyzǵyshy, sybyzǵy aspabyn jasaýshy sheber Nurahmet Jorabekov aqsaqal sóz aldy. Ol, qazaqtyń óneri men mádenietine úles qosqan, ótken ǵasyrdaǵy Qamar Qasymuly, Romanenko syndy sheberlerdiń attaryn atap, onyń aldyndaǵy Ahmet Jubanovtai tulǵalardyń eńbekterin, sharaǵa qatysýshy kópshilikke úlgi etti.Sonymen qatar qazirgi kúndegi sheberlerdiń de nasihattalýy, eńbekteriniń baǵalanýy kerektigin alǵa tartty. Sharada kelesi bolyp sóz alǵan «Sazgen» ansambliniń kórkemdik jetekshisi Yqylas Nuraliev óz zamanynda Ózbekáli Jánibekov, Bolat Sarybaevtardyń qazaqtyń ulttyq rýhaniiatyna, mýzyka mádenietine sińirgen eńbekterin atap ótti. Yqylas atyndaǵy halyq mýzykalyq aspaptar mýzeiiniń qurylyp, damýynyń ózi, ótken ǵasyrda úrdis alǵan qazaq sheberleriniń qolynan shyqqan týyndalar arqyly, mýzei ekspozitsiiasy qalyptasyp, sol arqyly sheberlerdiń de esimderi tarihta qalǵandyǵyn jetkizdi.
Sharaǵa qatysqan ózgede sheberler qataryndaǵy Seidahmet Kelgenbaev, Nurlan Abdrahmanov, Serik Nurtazin, Nurbek sheber, Ohanov Narbek, Maqsut Ibadýllaev, Satypaldy Kenjeǵaraev, Asima Imanǵalieva, Mahmýt Qulmenov, Orynbasar Maýlenov, Kemirjan Elipov, Nurlan Dýanov, Qanat Berikbol, Roza Jasbalaeva syndy sheberler óz oi-pikrlerin ortaǵa saldy.
Mýzei janynan qurylǵan Sheberler keńesi qazaqtyń aspaptyq óneriniń damyp-jańǵyrýyna, sheberler men mýzyka mamandary arasyndaǵy bailanystyń jandanýyna, ózara tájiribe almasýda úlken múmkindikter ashady. Sonymen qatar, qazirgi qoǵamda nasihattalýy kemshin túsip jatqan, on qolynan óner tamǵan sheberlerdiń jumystaryn kórsetý, eńbekterin ataý, olardyń qolynan shyǵyp jatqan ult mádenietin kórsetetin ult aspaptaryn qaita jańǵyrtý, mýzeige keltirý, tolyqtyrý maqsatynda jumys atqaratyn ortalyq retindegi júie bolmaq.
Baqytjan QALNIIaZ,
Yqylas atyndaǵy halyq mýzykalyq aspaptar
mýzeiinińaǵa ǵylymi qyzmetkeri.
