Almaty qalasynda politsiia qyzmetkerleri men kikshering kompaniialary elektrosamokat qoldanýshylardyń tártibin kúsheitý máselesin talqylady, dep habarlaidy Dalanews.kz.
Kezdesý barysynda qalada jii kezdesetin negizgi zańbuzýshylyqtar ataldy. Atap aitqanda, samokatpen trotýarmen júrý, belgilengen jyldamdyqty asyrý jáne kólikterdi retsiz jerge qaldyrý máselesi ózekti bolyp otyr.
Almaty qalalyq Politsiia departamenti bastyǵynyń orynbasary Ǵalym Sarǵulov baqylaýdy kúsheitip, quqyqbuzýshylyqtardyń aldyn alý úshin zamanaýi tehnologiialardy engizý qajet ekenin aitty. Onyń sózinshe, osy baǵytta naqty sheshimder qabyldanǵan.
Endi qalada samokattarǵa arnalǵan arnaiy turaq aimaqtary uiymdastyrylady. Sonymen qatar, olardyń tehnikalyq jaǵdaiy turaqty túrde tekserilip otyrady. Óreskel zańbuzýshylyqtar anyqtalǵan jaǵdaida, samokattar aiyppul turaǵyna jiberiledi, al paidalanýshylar jaýapkershilikke tartylady.
Budan bólek, Almatyda jalǵa beriletin samokattardy paidalanatyn kámeletke tolmaǵandardyń akkaýnttaryn buǵattaý tájiribesi engizile bastady.
