الماتى قالاسىندا پوليسيا قىزمەتكەرلەرى مەن كيكشەرينگ كومپانيالارى ەلەكتروساموكات قولدانۋشىلاردىڭ ءتارتىبىن كۇشەيتۋ ماسەلەسىن تالقىلادى، دەپ حابارلايدى Dalanews.kz.
كەزدەسۋ بارىسىندا قالادا ءجيى كەزدەسەتىن نەگىزگى زاڭبۇزۋشىلىقتار اتالدى. اتاپ ايتقاندا، ساموكاتپەن تروتۋارمەن ءجۇرۋ، بەلگىلەنگەن جىلدامدىقتى اسىرۋ جانە كولىكتەردى رەتسىز جەرگە قالدىرۋ ماسەلەسى وزەكتى بولىپ وتىر.
الماتى قالالىق پوليسيا دەپارتامەنتى باستىعىنىڭ ورىنباسارى عالىم سارعۇلوۆ باقىلاۋدى كۇشەيتىپ، قۇقىقبۇزۋشىلىقتاردىڭ الدىن الۋ ءۇشىن زاماناۋي تەحنولوگيالاردى ەنگىزۋ قاجەت ەكەنىن ايتتى. ونىڭ سوزىنشە، وسى باعىتتا ناقتى شەشىمدەر قابىلدانعان.
ەندى قالادا ساموكاتتارعا ارنالعان ارنايى تۇراق ايماقتارى ۇيىمداستىرىلادى. سونىمەن قاتار، ولاردىڭ تەحنيكالىق جاعدايى تۇراقتى تۇردە تەكسەرىلىپ وتىرادى. ورەسكەل زاڭبۇزۋشىلىقتار انىقتالعان جاعدايدا، ساموكاتتار ايىپپۇل تۇراعىنا جىبەرىلەدى، ال پايدالانۋشىلار جاۋاپكەرشىلىككە تارتىلادى.
بۇدان بولەك، الماتىدا جالعا بەرىلەتىن ساموكاتتاردى پايدالاناتىن كامەلەتكە تولماعانداردىڭ اككاۋنتتارىن بۇعاتتاۋ تاجىريبەسى ەنگىزىلە باستادى.
