Almaty qalasynda qutqarýshylar biik taýda syrqattanyp qalǵan týristke kómek kórsetti. Bul týraly Tótenshe jaǵdailar ministrligi jazdy,- dep habarlaidy Dalanews.kz
3 shilde kúni qutqarýshylarǵa teńiz deńgeiinen 3360 metr biiktikte ornalasqan Titova kóli mańyndaǵy kemping aimaǵynda úsh týristtiń júrgeni, solardyń biri biiktik aýrýynyń belgilerin sezinip jatqany týraly habarlama kelip túsken. Aýrý belgileri: joǵary temperatýra, qaltyraý jáne qusý.
"Shuǵyl evakýatsiia júrgizý úshin Respýblikalyq jedel-qutqarý jasaǵynyń jedel toby kómekke shyqty. Qutqarýshylar Medeý beketinen qajetti quraldarmen – UUA jáne spýtniktik bailanys qurylǵysymen jolǵa attandy. Boraldai áýejaiynan «Qazaviaqutqarý» AQ-nyń Mi-8 tikushaǵy kóterilip, jedel ushyp shyqty", – delingen ministrlik habarlamasynda.
Qutqarýshylar naýqasty evakýatsiialap, ony Boraldai áýejaiyna jetkizdi. Onda zardap shekken adam TJM Meditsinalyq apattar ortalyǵynyń dárigerlerine tapsyryldy. Qasyndaǵy eki adam evakýatsiiadan bas tartty.
