Qoǵamdyq keńestiń komısıasy 24 otyrys ótkizip, onda aýdan ákimdigi, qala basqarmasy, polısıa departamenti men tótenshe jaǵdaılar departamenti ókilderiniń esebi tyńdalǵan. Sonyń nátıjesinde almatylyqtardyń ómir sapasyn, qalanyń ınfraqurylymyn jaqsartýǵa baǵyttalǵan 240 usynys jasaldy,- dep habarlaıdy Dalanews.kz
Komısıa memleket pen azamattyq qoǵamnyń arasynda baılanys ornatatyn tıimdi alań ekenin dáleldep otyr. Almatydaǵy sybaılas jemqorlyqqa qarsy is-qımyl departamentimen júıeli túrde jumys isteýge kóp kóńil bólingen. TKQ, kólik pen ekologıa salasyndaǵy jemqorlyqty joıýdy kózdeıtin is-sharalardyń jospary jasalǵan. Sonyń biri – usynystyń oryndalý barysyn qadaǵalap, oqytyp, sıfrlyq sheshimderdi óndiriske engizý.
Komısıa músheleri memlekettik organdarynyń ashyq bolǵanyn, esep berip otyrǵanyn qalaımyz. Sıfrly quraldar, karta jasap, aryz-ótinishke arnap QR-kodtar engizildi. Halyq osynyń arqasynda aqparatty tikesinen alyp, qoǵamdyq baqylaý da kúsheıedi.
Komısıa turǵyndarmen, eksperttermen, komplaens-ofıserlermen, uıymdarmen jumys isteýge kóńil bólip otyr. 200-den astam is-shara ótip, turǵyndar men ártúrli uıymdardyń 70 aryz-shaǵymy qaralǵan. Onyń 52-si sheshimin taýyp, qalǵanyna túsinikteme berilgen.
