قوعامدىق كەڭەستٸڭ كوميسسيياسى 24 وتىرىس ٶتكٸزٸپ, وندا اۋدان ەكٸمدٸگٸ, قالا باسقارماسى, پوليتسييا دەپارتامەنتٸ مەن تٶتەنشە جاعدايلار دەپارتامەنتٸ ٶكٸلدەرٸنٸڭ ەسەبٸ تىڭدالعان. سونىڭ نەتيجەسٸندە الماتىلىقتاردىڭ ٶمٸر ساپاسىن, قالانىڭ ينفراقۇرىلىمىن جاقسارتۋعا باعىتتالعان 240 ۇسىنىس جاسالدى,- دەپ حابارلايدى Dalanews.kz
كوميسسييا مەملەكەت پەن ازاماتتىق قوعامنىڭ اراسىندا بايلانىس ورناتاتىن تيٸمدٸ الاڭ ەكەنٸن دەلەلدەپ وتىر. الماتىداعى سىبايلاس جەمقورلىققا قارسى ٸس-قيمىل دەپارتامەنتٸمەن جٷيەلٸ تٷردە جۇمىس ٸستەۋگە كٶپ كٶڭٸل بٶلٸنگەن. تكق, كٶلٸك پەن ەكولوگييا سالاسىنداعى جەمقورلىقتى جويۋدى كٶزدەيتٸن ٸس-شارالاردىڭ جوسپارى جاسالعان. سونىڭ بٸرٸ – ۇسىنىستىڭ ورىندالۋ بارىسىن قاداعالاپ, وقىتىپ, تسيفرلىق شەشٸمدەردٸ ٶندٸرٸسكە ەنگٸزۋ.
كوميسسييا مٷشەلەرٸ مەملەكەتتٸك ورگاندارىنىڭ اشىق بولعانىن, ەسەپ بەرٸپ وتىرعانىن قالايمىز. تسيفرلى قۇرالدار, كارتا جاساپ, ارىز-ٶتٸنٸشكە ارناپ QR-كودتار ەنگٸزٸلدٸ. حالىق وسىنىڭ ارقاسىندا اقپاراتتى تٸكەسٸنەن الىپ, قوعامدىق باقىلاۋ دا كٷشەيەدٸ.
كوميسسييا تۇرعىندارمەن, ەكسپەرتتەرمەن, كومپلاەنس-وفيتسەرلەرمەن, ۇيىمدارمەن جۇمىس ٸستەۋگە كٶڭٸل بٶلٸپ وتىر. 200-دەن استام ٸس-شارا ٶتٸپ, تۇرعىندار مەن ەرتٷرلٸ ۇيىمداردىڭ 70 ارىز-شاعىمى قارالعان. ونىڭ 52-سٸ شەشٸمٸن تاۋىپ, قالعانىنا تٷسٸنٸكتەمە بەرٸلگەن.
