Almatyda qoǵam belsendisi Orazaly Erjanov ustalǵany týraly aqparat tarady, dep habarlaidy Dalanews.kz.
Jýrnalist Gúljan Erǵalievanyń áleýmettik jelidegi jazbasyna súiensek, Erjanovty túngi ýaqytta alyp ketken.
"Jubaiynyń aitýynsha, Orazaly Erjanovty túnde alyp ketken, úiinde tintý júrgizilgen. Oǵan 10 táýlikke qamaý jazasy berilgen. Naqty sebebi ázirge belgisiz", - dep jazdy Erǵalieva.
Qoǵam belsendisiniń ustalǵanyn Qazaqstannyń halyqaralyq adam quqyqtary jáne zańdylyqty saqtaý biýrosy da rastady.
Uiymnyń málimetinshe, qazirgi ýaqytta Orazaly Erjanov - Elge Qaitaru qoǵamdyq qorynyń quryltaishysy ári jetekshisi. Atalǵan qor shetelge zańsyz shyǵarylǵan aktivterdi elge qaitarýǵa járdemdesýmen ainalysady.
Erjanov ár jyldary Qazaqstan Ulttyq banki tóraǵasynyń orynbasary, qarjy vitse-ministri, "Qazposhta" AQ basqarma tóraǵasy, Halyq banki tóraǵasynyń orynbasary, KEGOC vitse-prezidenti, sondai-aq "Naýryz bankiniń" basqarma tóraǵasy qyzmetterin atqarǵan.
Ázirge ony ustaýǵa ne sebep bolǵany týraly resmi aqparat jariialanǵan joq.
