Qazaq fýtboly úshin búgingi aitýly kúnde «Qairat» FK fanattary Qazaqstannyń alyp «Altyn Orda» murageri ekenin búkil álemniń esine taǵy da saldy,- dep habarlaidy Dalanews.kz
Eýraziia júreginde, Uly Jibek jolynyń qaq ortasynda ornalasqan, batys pen shyǵysty, túrli mádenietterdi ǵasyrlar boiy toǵystyrǵan Almaty qalasynyń Ortalyq stadionynda keńinen jaiylǵan úlken matada bir ǵana jazý bar: «Descendants of the Holden Horde» – «Altyn Orda urpaqtary». Bul bizdiń san ǵasyrǵa sozylǵan bai tarihymyz ben mádenietimizdi pash etetin ǵajap simvolikalyq perfomans.
Rasynda da, Altyn Orda – óz qol astynda milliondaǵan adamnyń basyn qosyp, túrli mádenietti biriktirip, olarǵa uly imperiiaǵa, adamzat tarihyndaǵy eń úlken imperiialardyń birine tiistiligin sezindirgen biregei tarihi mysaldardyń biri.
Iá, biz sol Altyn Orda urpaǵymyz. Óz dáýirindegi eń qýatty da alyp memleketterdiń birin qura bilgen Uly dala batyrlary men qolbasshylardyń muragerimiz.
Búgin qazaqstandyqtar Chempiondar ligasy tarihyndaǵy eń myqty klýbty – Ispaniianyń Real Madrid komandasyn qabyldap jatyr. Bizdiń fýtbolshylarymyz ben jankúierlerimizdiń kóńil-kúiin sózben aityp jetkizý múmkin emes. Sońyna deiin kúresetinimiz haq!
Alǵa, Altyn Orda urpaqtary!
Alǵa, Qazaqstan!
