Qazaqstan fýtbol federasıasy Han-Tengrı klýbyn Birinshi lıgada birqatar buzýshylyqtar úshin jazalady, dep habarlaıdy Dalanews.kz.

Atap aıtqanda, qujattardy burmalaý, UEFA «C» jattyqtyrýshy lısenzıasyn rastaý kezinde yntymaqtastyqtan bas tartý jáne qyzmettik tekserýge kedergi keltirý derekteri anyqtalǵan.

Klýbqa 50 AEK kóleminde aıyppul salyndy. Sonymen qatar komandaǵa 14 mamyrǵa deıin qajetti qujattardy tapsyryp, túsinikteme berý úshin sońǵy múmkindik berildi.

Eger bul talaptar oryndalmasa, «Han-Tengrıge» upaı shegerý nemese tómengi dıvızıonǵa túsirý qaýpi bar. Al kináli tulǵalar fýtboldan tolyq shettetilýi múmkin.

Klýbtyń ózi bul jaǵdaıǵa qatysty ázirge pikir bildirgen joq.