قازاقستان فۋتبول فەدەراسياسى حان-تەنگري كلۋبىن ءبىرىنشى ليگادا ءبىرقاتار بۇزۋشىلىقتار ءۇشىن جازالادى، دەپ حابارلايدى Dalanews.kz.
اتاپ ايتقاندا، قۇجاتتاردى بۇرمالاۋ، UEFA «C» جاتتىقتىرۋشى ليسەنزياسىن راستاۋ كەزىندە ىنتىماقتاستىقتان باس تارتۋ جانە قىزمەتتىك تەكسەرۋگە كەدەرگى كەلتىرۋ دەرەكتەرى انىقتالعان.
كلۋبقا 50 اەك كولەمىندە ايىپپۇل سالىندى. سونىمەن قاتار كومانداعا 14 مامىرعا دەيىن قاجەتتى قۇجاتتاردى تاپسىرىپ، تۇسىنىكتەمە بەرۋ ءۇشىن سوڭعى مۇمكىندىك بەرىلدى.
ەگەر بۇل تالاپتار ورىندالماسا، «حان-تەنگريگە» ۇپاي شەگەرۋ نەمەسە تومەنگى ديۆيزيونعا ءتۇسىرۋ ءقاۋپى بار. ال كىنالى تۇلعالار فۋتبولدان تولىق شەتتەتىلۋى مۇمكىن.
كلۋبتىڭ ءوزى بۇل جاعدايعا قاتىستى ازىرگە پىكىر بىلدىرگەن جوق.
