قازاق فۋتبولى ٷشٸن بٷگٸنگٸ ايتۋلى كٷندە «قايرات» فك فاناتتارى قازاقستاننىڭ الىپ «التىن وردا» مۇراگەرٸ ەكەنٸن بٷكٸل ەلەمنٸڭ ەسٸنە تاعى دا سالدى,- دەپ حابارلايدى Dalanews.kz
ەۋرازييا جٷرەگٸندە, ۇلى جٸبەك جولىنىڭ قاق ورتاسىندا ورنالاسقان, باتىس پەن شىعىستى, تٷرلٸ مەدەنيەتتەردٸ عاسىرلار بويى توعىستىرعان الماتى قالاسىنىڭ ورتالىق ستاديونىندا كەڭٸنەن جايىلعان ٷلكەن ماتادا بٸر عانا جازۋ بار: «Descendants of the Holden Horde» – «التىن وردا ۇرپاقتارى». بۇل بٸزدٸڭ سان عاسىرعا سوزىلعان باي تاريحىمىز بەن مەدەنيەتٸمٸزدٸ پاش ەتەتٸن عاجاپ سيمۆوليكالىق پەرفومانس.
راسىندا دا, التىن وردا – ٶز قول استىندا ميلليونداعان ادامنىڭ باسىن قوسىپ, تٷرلٸ مەدەنيەتتٸ بٸرٸكتٸرٸپ, ولارعا ۇلى يمپەريياعا, ادامزات تاريحىنداعى ەڭ ٷلكەن يمپەرييالاردىڭ بٸرٸنە تيٸستٸلٸگٸن سەزٸندٸرگەن بٸرەگەي تاريحي مىسالداردىڭ بٸرٸ.
يە, بٸز سول التىن وردا ۇرپاعىمىز. ٶز دەۋٸرٸندەگٸ ەڭ قۋاتتى دا الىپ مەملەكەتتەردٸڭ بٸرٸن قۇرا بٸلگەن ۇلى دالا باتىرلارى مەن قولباسشىلاردىڭ مۇراگەرٸمٸز.
بٷگٸن قازاقستاندىقتار چەمپيوندار ليگاسى تاريحىنداعى ەڭ مىقتى كلۋبتى – يسپانييانىڭ رەال مادريد كومانداسىن قابىلداپ جاتىر. بٸزدٸڭ فۋتبولشىلارىمىز بەن جانكٷيەرلەرٸمٸزدٸڭ كٶڭٸل-كٷيٸن سٶزبەن ايتىپ جەتكٸزۋ مٷمكٸن ەمەس. سوڭىنا دەيٸن كٷرەسەتٸنٸمٸز حاق!
العا, التىن وردا ۇرپاقتارى!
العا, قازاقستان!
