Almaty qalasynyń Bostandyq aýdanynda Qasqyr taýynda 5 jasóspirimnen quralǵan top jartasty jyrada qalyp, óz betimen shyǵa almaı qalǵan,- dep habarlaıdy Dalanews.kz

Keshe kúndiz jasóspirimder taý bókterimen kóterilip kele jatyp, jartasty jyraǵa túsip ketken. Habarlama toptyń bir qatysýshysynan kelip túsken, geolokasıa derekteri belgili boldy.

Oqıǵa ornyna QR TJM Respýblıkalyq jedel-qutqarý jasaǵynyń toby shyqty. Qutqarýshylardyń quramynda kınolog jáne qajetti jabdyq boldy.

- Taý jotasynyń kúrdeli, tasty bederine baılanysty zardap shekkenderge jetý 4 saǵattan astam ýaqyt aldy. Keri qaıtý jolyn jartasty bókterler men qarańǵy ýaqyt qıyndatqanymen, barlyq jasóspirimder qutqarý tehnıkasyna aman jetkizildi, - delingen aqparatta.

Medısınalyq kómek qajet bolǵan joq.