الماتى قالاسىنىڭ بوستاندىق اۋدانىندا قاسقىر تاۋىندا 5 جاسوسپىرىمنەن قۇرالعان توپ جارتاستى جىرادا قالىپ، ءوز بەتىمەن شىعا الماي قالعان،- دەپ حابارلايدى Dalanews.kz
كەشە كۇندىز جاسوسپىرىمدەر تاۋ بوكتەرىمەن كوتەرىلىپ كەلە جاتىپ، جارتاستى جىراعا ءتۇسىپ كەتكەن. حابارلاما توپتىڭ ءبىر قاتىسۋشىسىنان كەلىپ تۇسكەن، گەولوكاسيا دەرەكتەرى بەلگىلى بولدى.
وقيعا ورنىنا ق ر تجم رەسپۋبليكالىق جەدەل-قۇتقارۋ جاساعىنىڭ توبى شىقتى. قۇتقارۋشىلاردىڭ قۇرامىندا كينولوگ جانە قاجەتتى جابدىق بولدى.
- تاۋ جوتاسىنىڭ كۇردەلى، تاستى بەدەرىنە بايلانىستى زارداپ شەككەندەرگە جەتۋ 4 ساعاتتان استام ۋاقىت الدى. كەرى قايتۋ جولىن جارتاستى بوكتەرلەر مەن قاراڭعى ۋاقىت قيىنداتقانىمەن، بارلىق جاسوسپىرىمدەر قۇتقارۋ تەحنيكاسىنا امان جەتكىزىلدى، - دەلىنگەن اقپاراتتا.
مەديسينالىق كومەك قاجەت بولعان جوق.
