2025-2026 وقۋ جىلىندا قازاقستان دارىندى وقۋشىلاردى قولداۋ جۇمىسىن كٷشەيتتٸ. 80-نەن استام رەسپۋبليكالىق زيياتكەرلٸك جارىسقا 1,6 ملن-عا جۋىق وقۋشى قاتىستى, دەپ حابارلايدى dalanews.kz.
حالىقارالىق دەڭگەيدە ەل نامىسىن 5 052 وقۋشى قورعادى. ولار 37 وليمپيادا مەن عىلىمي كونكۋرسقا قاتىسىپ, 1 026 مەدال جەڭٸپ الدى. ونىڭ ٸشٸندە 190 التىن, 332 كٷمٸس جەنە 504 قولا مەدال بار. تاعى 56 قاتىسۋشى ارنايى ماراپاتتارعا يە بولدى.
ماتەماتيكا باعىتىنداعى جەتٸستٸكتەردٸ بٶلەك اتاپ ٶتكەن جٶن. قازاقستان قۇراماسى ۆيلنيۋستە ٶتكەن European Mathematical Olympiad جارىسىندا ابسوليۋتتٸ كٶشباسشى اتاندى. سالونيكي قالاسىندا ٶتكەن Balkan Mathematical Olympiad جارىسىندا كوماندا مىقتى ماتەماتيكالىق مەكتەپتەرٸ بار ەلدەر اراسىندا جالپىكوماندالىق ەسەپتە 6-ورىن الدى.
قازاقستاندىق وقۋشىلار فينيكستە ٶتكەن ەلەمدەگٸ ەڭ ٸرٸ عىلىمي-ينجەنەرلٸك كٶرمە Regeneron ISEF-كە دە قاتىستى. قاتىسۋشىلاردىڭ بٸرٸ جاساندى ينتەللەكتٸنٸ قولدانۋ ارقىلى ونكولوگييالىق اۋرۋلاردى ەرتە انىقتاۋ جوباسى ٷشٸن ارنايى ماراپات پەن شەتەلدٸك ۋنيۆەرسيتەتتٸڭ بٸلٸم گرانتىن الدى.
حيۋستوندا ٶتكەن روبوتوتەحنيكا بويىنشا حالىقارالىق جارىستاردا قازاقستاندىق وقۋشىلار 50 مىڭنان استام قاتىسۋشى اراسىندا 12 ناگراداعا يە بولدى. كٷزدٸڭ سوڭىنا دەيٸن ەل وقۋشىلارى تاعى 10-نان استام حالىقارالىق جارىسقا قاتىسۋدى جوسپارلاپ وتىر.
مەملەكەت باسشىسى قاسىم-جومارت توقاەۆتىڭ تاپسىرماسى بويىنشا حالىقارالىق وليمپيادالار مەن عىلىمي كونكۋرستاردىڭ جەڭٸمپازدارى مەن جٷلدەگەرلەرٸ بٸرجولعى تٶلەم الادى. التىن مەدال ٷشٸن 1500 ايلىق ەسەپتٸك كٶرسەتكٸش, كٷمٸس مەدال ٷشٸن 1000, قولا مەدال ٷشٸن 500 ايلىق ەسەپتٸك كٶرسەتكٸش قاراستىرىلعان. پەداگوگ-جاتتىقتىرۋشىلار 8,5-تەن 26,5-كە دەيٸنگٸ بازالىق لاۋازىمدىق ايلىقاقى كٶلەمٸندە ىنتالاندىرۋ تٶلەمدەرٸن الادى.
ەسكە سالايىق, 2025 جىلعى تامىزدا مەملەكەت باسشىسى وليمپيادا جەڭٸمپازدارىمەن العاش رەت اقوردادا كەزدەستٸ. تامىز كەڭەسٸ اياسىندا ول ولاردىڭ تەلٸمگەرلەرٸن دە مەملەكەتتٸك ناگرادالارمەن ماراپاتتادى.
