Tamyz aıynda Almaly aýdany ákimdiginiń syrtqy jaryq boıynsha qyzmet kórsetý jónindegi pılottyq jobasy iske qosyldy jáne oń nátıje kórsetti.
Qysqa merzimde ótinimderdi qaraý ýaqytyn 4 esege (20 táýlikten 5 táýlikke deıin) qysqartýǵa múmkindik týdy. 4 830 sham aýystyryldy, 49,3 km syrtqy jaryqtandyrý jelileri qalpyna keltirildi.
Nátıjesinde Almaly aýdanynda janbaıtyn jaryq núkteleriniń úlesi 47% - dan 25%-ǵa deıin tómendedi. Almaly aýdanynyń oń tájirıbesin eskere otyryp, qarasha aıynda qalǵan 7 aýdan «Almaty Qala Jaryq» MKK-men shart jasasty. Syrtqy jaryqtandyrýdy qamtamasyz etý aýdandarǵa berildi. Bul sonymen qatar qala turǵyndarynyń suranystaryna jedel jaýap berýge yqpal etti.
Sapaly syrtqy jaryqtandyrý úlesi 2024 jyly 85%-ǵa jáne 2025 jyly 100%-ǵa deıin jetkiziletin bolady.
Anyqtama: qazirgi ýaqytta mindettemelerdi josyqsyz oryndaý sebebinen 2018 jyly jasalǵan shart boıynsha MJÁ aıasynda jeke áriptespen sot talqylaýlary júrýde.
