Almatyda biylǵy Qala kúni erekshe qýanyshqa toly boldy. Merekelik sharalarmen qatar, qala turǵyndary jańa ómirdiń bastaýyna kýá boldy. 21 qyrkúiekte megapolis perzenthanalarynda 69 sábi dúniege keldi: 32 ul jáne 37 qyz bala, dep habarlaidy Dalanews.kz
Bul kún ondaǵan otbasy úshin erekshe syi boldy. Súiikti qalanyń týǵan kúnimen qatar olar perzentiniń dúniege kelgenin toilady.
«Endi bul mereke bizdiń áýlet úshin eń basty kúnge ainaldy. Qyzymyzdyń týǵan kúnin budan bylai almatylyqtarmen birge toilaimyz», – dedi jas ana qýanyshyn bólisip.
Qalanyń qoǵamdyq densaýlyq saqtaý basqarmasy ómirge kelgen barlyq náreste men olardyń analarynyń jaǵdaiy jaqsy ekenin habarlady.
Al mereke qarsańynda Qalalyq perinataldyq ortalyqta sirek ári ǵajaiyp oqiǵa boldy – úshem dúniege keldi.
Salmaǵy 1968 gramm, boiy 42 santimetr ul bala, al qalǵan ekeýi qyz bala: biriniń salmaǵy 1648 gramm, boiy 40 santimetr, ekinshisiniń salmaǵy 1699 gramm, boiy 41 santimetr. Otbasy «Ańsaǵan sábi» memlekettik qoldaý baǵdarlamasyna júgingen.
Dárigerlerdiń sheshimimen anasy 32-aptada shuǵyl túrde bosandy. Sábilerdiń anasy 30 jasta.
Tańǵy tórt shamasynda perinataldyq ortalyqtyń bilikti mamandary tez arada jumylyp, ota sátti ótti. Kesar tiligi arqyly dúniege kelgen sátten bastap nárestelerge jedel kómek kórsetilip, jansaqtaýdan soń patologiia bólimine aýystyryldy.
Qala kúni týǵan 69 sábi men úshem – bir otbasynyń qýanyshy ǵana emes, búkil Almaty úshin úlken jańalyq. Árbir jańa ómir – erteńge degen senim, bolashaqqa degen úmit. Bul balalar qala tarihyn jalǵastyryp, onyń keleshegin órkendeter jańa urpaq.
