الماتىدا بيىلعى قالا كٷنٸ ەرەكشە قۋانىشقا تولى بولدى. مەرەكەلٸك شارالارمەن قاتار, قالا تۇرعىندارى جاڭا ٶمٸردٸڭ باستاۋىنا كۋە بولدى. 21 قىركٷيەكتە مەگاپوليس پەرزەنتحانالارىندا 69 سەبي دٷنيەگە كەلدٸ: 32 ۇل جەنە 37 قىز بالا, دەپ حابارلايدى Dalanews.kz
بۇل كٷن ونداعان وتباسى ٷشٸن ەرەكشە سىي بولدى. سٷيٸكتٸ قالانىڭ تۋعان كٷنٸمەن قاتار ولار پەرزەنتٸنٸڭ دٷنيەگە كەلگەنٸن تويلادى.
«ەندٸ بۇل مەرەكە بٸزدٸڭ ەۋلەت ٷشٸن ەڭ باستى كٷنگە اينالدى. قىزىمىزدىڭ تۋعان كٷنٸن بۇدان بىلاي الماتىلىقتارمەن بٸرگە تويلايمىز», – دەدٸ جاس انا قۋانىشىن بٶلٸسٸپ.
قالانىڭ قوعامدىق دەنساۋلىق ساقتاۋ باسقارماسى ٶمٸرگە كەلگەن بارلىق نەرەستە مەن ولاردىڭ انالارىنىڭ جاعدايى جاقسى ەكەنٸن حابارلادى.
ال مەرەكە قارساڭىندا قالالىق پەريناتالدىق ورتالىقتا سيرەك ەرٸ عاجايىپ وقيعا بولدى – ٷشەم دٷنيەگە كەلدٸ.
سالماعى 1968 گرامم, بويى 42 سانتيمەتر ۇل بالا, ال قالعان ەكەۋٸ قىز بالا: بٸرٸنٸڭ سالماعى 1648 گرامم, بويى 40 سانتيمەتر, ەكٸنشٸسٸنٸڭ سالماعى 1699 گرامم, بويى 41 سانتيمەتر. وتباسى «اڭساعان سەبي» مەملەكەتتٸك قولداۋ باعدارلاماسىنا جٷگٸنگەن.
دەرٸگەرلەردٸڭ شەشٸمٸمەن اناسى 32-اپتادا شۇعىل تٷردە بوساندى. سەبيلەردٸڭ اناسى 30 جاستا.
تاڭعى تٶرت شاماسىندا پەريناتالدىق ورتالىقتىڭ بٸلٸكتٸ ماماندارى تەز ارادا جۇمىلىپ, وتا سەتتٸ ٶتتٸ. كەسار تٸلٸگٸ ارقىلى دٷنيەگە كەلگەن سەتتەن باستاپ نەرەستەلەرگە جەدەل كٶمەك كٶرسەتٸلٸپ, جانساقتاۋدان سوڭ پاتولوگييا بٶلٸمٸنە اۋىستىرىلدى.
قالا كٷنٸ تۋعان 69 سەبي مەن ٷشەم – بٸر وتباسىنىڭ قۋانىشى عانا ەمەس, بٷكٸل الماتى ٷشٸن ٷلكەن جاڭالىق. ەربٸر جاڭا ٶمٸر – ەرتەڭگە دەگەن سەنٸم, بولاشاققا دەگەن ٷمٸت. بۇل بالالار قالا تاريحىن جالعاستىرىپ, ونىڭ كەلەشەگٸن ٶركەندەتەر جاڭا ۇرپاق.
