Almatyda qajetsiz dári-dármekti kádege jaratatyn statsionarlyq pýnktter ashyldy

«Taza Qazaqstan» jalpyrespýblikalyq baǵdarlamasy men «Almaty – bizdiń ortaq úiimiz» aktsiiasy aiasynda qaladaǵy 36 emhanada arnaiy konteinerler ornatyldy. Olarǵa qala turǵyndary merzimi ótken, qoldanylmaǵan nemese jartylai paidalanylǵan dári-dármekterdi qaýipsiz óńdeýge ótkize alady,- dep habarlaidy Dalanews.kz 

Joba Almaty qalasy ákimdigi, EcoNetwork ekologiialyq uiymy jáne seriktes — STADA farmatsevtikalyq kompaniiasynyń qoldaýymen júzege asyrylýda.

«Qazaqstanda alǵash ret dári-dármekterdi qaýipsiz túrde joiý júiesi qurylýda. Almaty qalasynyń turǵyndaryna paidalanylmaǵan dárilerdi tapsyrýdy usynyp, biz árbir azamatqa qorshaǵan ortany qorǵaýǵa úles qosýǵa múmkindik bergimiz keledi. Qazirgi tańda dáriler áli de qoqysqa tastalady nemese káriz júiesine tógiledi — bul ekojúielerge de, adamdardyń densaýlyǵyna da qaýip tóndiredi. Joba týraly aqparat pen ony iske asyrý kezeńderi EcoNetwork pen STADA-nyń áleýmettik jelilerdegi resmi paraqshalarynda jáne veb-saittarynda jariialanatyn bolady», — dep atap ótti EcoNetwork uiymynyń negizin qalaýshy Evgenii Muhamedjanov.

Jobany uiymdastyrýshylardyń aitýynsha, dári-dármekter qaýipti qaldyqtar qataryna jatady. Olardy durys joimasa, belsendi zattar topyraq pen sýǵa enip, onda jyldar boiy saqtalýy múmkin. Bul – tabiǵi ekojúielerdiń buzylýyna jáne adam densaýlyǵyna tónetin áleýetti qaterge ákeledi.

Proxima Research analitikalyq kompaniiasynyń derekteri boiynsha, 2024 jyly Qazaqstanda 1,46 milliard orama dári-dármek tutynylǵan. Alaida, olardyń kóp bóligi paidalanylmai qalyp, ýaqyt óte kele qaýipsiz joiylýdy qajet etýde.

Qabyldaý pýnktterin qurý — farmatsevtikalyq qaldyqtarmen jaýapty túrde jumys isteý mádenietin qalyptastyrý jáne olardyń qorshaǵan ortaǵa áserin azaitý jolyndaǵy mańyzdy qadam.

Merzimi ótken jáne paidalanylmaǵan dári-dármekterdi jinaý jobasy – emhanalarda arnaiy konteinerler ornatý, meditsinalyq qyzmetkerlerdi oqytý jáne dárilerdi tiisti túrde kádege jaratý sharalaryn qamtidy. Bul bastama qorshaǵan ortany qorǵaý máselesine jaýapkershilikpen qaraityn halyqaralyq farmatsevtikalyq óndirýshi sanalatyn STADA kompaniiasynyń qoldaýynyń arqasynda júzege asty.

Kompaniia turaqty damý salasynda salalyq kóshbasshylardyń biri bolyp sanalady, ári halyqaralyq ESG jáne Sustainability reitingterinde joǵary oryndarǵa ie. Sonymen qatar, STADA ekologiialyq saldardy azaitý jáne dári-dármekterdi utymdy tutyný mádenietin ilgeriletý baǵytynda birqatar bastamalardy iske asyrýda.

«Dári-dármekterdi durys  qoldanbaý – adamdar úshin de, qorshaǵan orta úshin de qaýipti. Qazaqstanda dári-dármekterdi kádege jaratý bastamasyn qoldaǵanymyzǵa qýanyshtymyz jáne farmatsevtikalyq qaldyqtarmen jaýapty jumys isteý mádenietin qalyptastyrý jolynda alǵashqy qadam jasadyq. Sonymen qatar, biz almatylyqtardy osy bastamany qoldaýǵa jáne qorshaǵan ortany saqtaýǵa óz úlesin qosýǵa shaqyramyz», – dep atap ótti STADA Kazakhstan kompaniiasynyń bas direktory Natalia Garipova.

Qabyldanatyn dári-dármekterge tabletkalar men kapsýlalar, mailar, kremder, gelder, ampýlalar, flakondar, siroptar jáne suiyq dárilik eritindiler jatady. Dárilerdi tapsyrý aldynda olardy tyǵyz paketke salyp, myqtap bailanýy kerek.

Alaida shpritster, ineler, infýziialyq júieler, sondai-aq qanmen janasqan kez kelgen meditsinalyq qaldyqtardy ótkizýge ruqsat etilmeidi –olardy arnaiy meditsinalyq uiymdarda joiý qajet.

Jinalǵan dári-dármekterdi joiýdy ekologiialyq jáne tehnologiialyq talaptarǵa tolyq sáikes keletin mamandandyrylǵan uiym júzege asyrady.

Sonymen qatar, joba aiasynda kezeńdik qoǵamdyq eseptilik qarastyrylǵan: ýtilizatsiia barysy, jinalǵan dárilerdiń kólemi jáne aralyq nátijeler týraly aqparat EcoNetwork saityna jariialanyp otyrady. Bul – ashyqtyqty qamtamasyz etý jáne qoǵamnyń belsendi qatysýyna jaǵdai jasaý maqsatynda qolǵa alynǵan.

Kádege jaratý úshin arnaiy konteinerler ornatylǵan meditsinalyq mekemeleri:

• «№36 Qalalyq emhana» ShJQ KMK-sh/a. Shuǵyla, 340A.
• «№26 qalalyq emhana» ShJQ KMK — sh/a. Taýsamaly naizaǵai kóshesi, 102.
• «№27 Qalalyq emhana» ShJQ KMK-sh/a. Aqjar Dáýletkerei kóshesi, 140.
• «№7 Qalalyq emhana» ShJQ KMK — sh/a. Qalqaman 20.
• «№10 Qalalyq emhana» ShJQ KMK-sh/a. Aqsai-4, 17 úi.
• «№6 qalalyq emhana» PVH KMK-sh/a. 4, Altynsarin dańǵyly, 3a.
• «№2 qalalyq emhana» PVH MKK — Shýhov kóshesi 37b.
• Medeý aýdanynyń MSAK ortalyǵy ShJQ KMK — Chaikina kóshesi, 12 A.
• «№5 Qalalyq klinikalyq aýrýhana» PVH MKK — Dostyq kóshesi, 220.
• «Alataý qalalyq aýrýhanasy» ShJQ KMK — sh / a. Alataý, Jetbaev kóshesi, 28.
• «№1 qalalyq emhana» PVH MKK — Gogol kóshesi, 53/65.
• «№11 Qalalyq emhana» ShJQ KMK — Jumabaev kóshesi, 87.
• «№21 qalalyq emhana» ShJQ KMK-sh/a. Kókjiek, 66.
• «Qulager PShO" ShJQ KMK-sh/a. Qulager, 34a.
• «№14 qalalyq emhana» ShJQ KMK — sh/a. Áigerim-1 V. Benberin kóshesi, 22.
• «№22 qalalyq emhana» ShJQ KMK-sh/a. Shańyraq-2, Janqoja batyr kóshesi, 193a.
• «№23 qalalyq emhana» ShJQ KMK-sh / a. Uljan-1 Jalaiyri kóshesi-34.
• «№25 qalalyq emhana» ShJQ KMK-sh/a. Darhan, Halifva Altai kóshesi, 24/1 .
• «№4 qalalyq emhana» ShJQ KMK — sh/a. Orbita-3, D. 12.
• «№7 Qalalyq emhana» PVH KMK — Buqar Jyraý kóshesi, 14 úi.
• «№12 qalalyq emhana» PVH KMK — Popov kóshesi, 23/12 úi.
• «№17 qalalyq emhana» PVH KMK-Basenov kóshesi, 2 úi.
• «№9 qalalyq emhana» PVH KMK — Sholohov kóshesi, 17 .
• «№13 qalalyq emhana» PVH KMK — t.Seifýllin dańǵyly, 97.
• «№19 qalalyq emhana» PVH KMK — Papanin kóshesi, 220.
• «№20 qalalyq emhana» PVH KMK — Juldyz 1 shaǵyn aýdany, 5v.
• «№24 qalalyq emhana» PVH KMK — Zemnýhov kóshesi , 3/1 .
• «№28 qalalyq emhana» PVH KMK-sh/a. Jas Qanat, 54/2.
• «№32 qalalyq emhana» PVH MKK — Montajnaia kóshesi, 33.
• №8 MKB JShS (emhana) — Aqan Seri kóshesi, 36.
• «№3 qalalyq emhana» PVH KMK — Rozybakiev kóshesi, 74.
• «№5 Qalalyq emhana» PVH KMK — Maqataev kóshesi, 141 .
• «№8 qalalyq emhana» PVH KMK — Túrkebaev kóshesi, 40.
• «№30 Qalalyq emhana» PVH KMK — Jibek joly kóshesi, 128.
• «Almaly aýdanynyń MSAK ortalyǵy» ShJQ KMK — Tóle bi kóshesi, 157.
• «UOS ardagerleriniń qalalyq emhanasy» ShJQ KMK — Amangeldi kóshesi, 41 úi.