«تازا قازاقستان» جالپىرەسپۋبليكالىق باعدارلاماسى مەن «الماتى – ءبىزدىڭ ورتاق ءۇيىمىز» اكسياسى اياسىندا قالاداعى 36 ەمحانادا ارنايى كونتەينەرلەر ورناتىلدى. ولارعا قالا تۇرعىندارى مەرزىمى وتكەن، قولدانىلماعان نەمەسە جارتىلاي پايدالانىلعان دارى-دارمەكتەردى ءقاۋىپسىز وڭدەۋگە وتكىزە الادى،- دەپ حابارلايدى Dalanews.kz 

جوبا الماتى قالاسى اكىمدىگى، EcoNetwork ەكولوگيالىق ۇيىمى جانە سەرىكتەس — STADA فارماسيەۆتيكالىق كومپانياسىنىڭ قولداۋىمەن جۇزەگە اسىرىلۋدا.

«قازاقستاندا العاش رەت دارى-دارمەكتەردى ءقاۋىپسىز تۇردە جويۋ جۇيەسى قۇرىلۋدا. الماتى قالاسىنىڭ تۇرعىندارىنا پايدالانىلماعان دارىلەردى تاپسىرۋدى ۇسىنىپ، ءبىز ءاربىر ازاماتقا قورشاعان ورتانى قورعاۋعا ۇلەس قوسۋعا مۇمكىندىك بەرگىمىز كەلەدى. قازىرگى تاڭدا دارىلەر ءالى دە قوقىسقا تاستالادى نەمەسە كارىز جۇيەسىنە توگىلەدى — بۇل ەكوجۇيەلەرگە دە، ادامداردىڭ دەنساۋلىعىنا دا ءقاۋىپ توندىرەدى. جوبا تۋرالى اقپارات پەن ونى ىسكە اسىرۋ كەزەڭدەرى EcoNetwork پەن STADA-نىڭ الەۋمەتتىك جەلىلەردەگى رەسمي پاراقشالارىندا جانە ۆەب-سايتتارىندا جاريالاناتىن بولادى»، — دەپ اتاپ ءوتتى EcoNetwork ۇيىمىنىڭ نەگىزىن قالاۋشى ەۆگەنيي مۇحامەدجانوۆ.

جوبانى ۇيىمداستىرۋشىلاردىڭ ايتۋىنشا، دارى-دارمەكتەر ءقاۋىپتى قالدىقتار قاتارىنا جاتادى. ولاردى دۇرىس جويماسا، بەلسەندى زاتتار توپىراق پەن سۋعا ەنىپ، وندا جىلدار بويى ساقتالۋى مۇمكىن. بۇل – تابيعي ەكوجۇيەلەردىڭ بۇزىلۋىنا جانە ادام دەنساۋلىعىنا تونەتىن الەۋەتتى قاتەرگە اكەلەدى.

Proxima Research اناليتيكالىق كومپانياسىنىڭ دەرەكتەرى بويىنشا، 2024 جىلى قازاقستاندا 1،46 ميلليارد وراما دارى-دارمەك تۇتىنىلعان. الايدا، ولاردىڭ كوپ بولىگى پايدالانىلماي قالىپ، ۋاقىت وتە كەلە ءقاۋىپسىز جويىلۋدى قاجەت ەتۋدە.

قابىلداۋ پۋنكتتەرىن قۇرۋ — فارماسيەۆتيكالىق قالدىقتارمەن جاۋاپتى تۇردە جۇمىس ىستەۋ مادەنيەتىن قالىپتاستىرۋ جانە ولاردىڭ قورشاعان ورتاعا اسەرىن ازايتۋ جولىنداعى ماڭىزدى قادام.

مەرزىمى وتكەن جانە پايدالانىلماعان دارى-دارمەكتەردى جيناۋ جوباسى – ەمحانالاردا ارنايى كونتەينەرلەر ورناتۋ، مەديسينالىق قىزمەتكەرلەردى وقىتۋ جانە دارىلەردى ءتيىستى تۇردە كادەگە جاراتۋ شارالارىن قامتيدى. بۇل باستاما قورشاعان ورتانى قورعاۋ ماسەلەسىنە جاۋاپكەرشىلىكپەن قارايتىن حالىقارالىق فارماسيەۆتيكالىق ءوندىرۋشى سانالاتىن STADA كومپانياسىنىڭ قولداۋىنىڭ ارقاسىندا جۇزەگە استى.

كومپانيا تۇراقتى دامۋ سالاسىندا سالالىق كوشباسشىلاردىڭ ءبىرى بولىپ سانالادى، ءارى حالىقارالىق ESG جانە Sustainability رەيتينگتەرىندە جوعارى ورىندارعا يە. سونىمەن قاتار، STADA ەكولوگيالىق سالداردى ازايتۋ جانە دارى-دارمەكتەردى ۇتىمدى تۇتىنۋ مادەنيەتىن ىلگەرىلەتۋ باعىتىندا ءبىرقاتار باستامالاردى ىسكە اسىرۋدا.

«دارى-دارمەكتەردى دۇرىس  قولدانباۋ – ادامدار ءۇشىن دە، قورشاعان ورتا ءۇشىن دە ءقاۋىپتى. قازاقستاندا دارى-دارمەكتەردى كادەگە جاراتۋ باستاماسىن قولداعانىمىزعا قۋانىشتىمىز جانە فارماسيەۆتيكالىق قالدىقتارمەن جاۋاپتى جۇمىس ىستەۋ مادەنيەتىن قالىپتاستىرۋ جولىندا العاشقى قادام جاسادىق. سونىمەن قاتار، ءبىز الماتىلىقتاردى وسى باستامانى قولداۋعا جانە قورشاعان ورتانى ساقتاۋعا ءوز ۇلەسىن قوسۋعا شاقىرامىز»، – دەپ اتاپ ءوتتى STADA Kazakhstan كومپانياسىنىڭ باس ديرەكتورى ناتاليا گاريپوۆا.

قابىلداناتىن دارى-دارمەكتەرگە تابلەتكالار مەن كاپسۋلالار، مايلار، كرەمدەر، گەلدەر، امپۋلالار، فلاكوندار، سيروپتار جانە سۇيىق دارىلىك ەرىتىندىلەر جاتادى. دارىلەردى تاپسىرۋ الدىندا ولاردى تىعىز پاكەتكە سالىپ، مىقتاپ بايلانۋى كەرەك.

الايدا شپريستەر، ينەلەر، ينفۋزيالىق جۇيەلەر، سونداي-اق قانمەن جاناسقان كەز كەلگەن مەديسينالىق قالدىقتاردى وتكىزۋگە رۇقسات ەتىلمەيدى –ولاردى ارنايى مەديسينالىق ۇيىمداردا جويۋ قاجەت.

جينالعان دارى-دارمەكتەردى جويۋدى ەكولوگيالىق جانە تەحنولوگيالىق تالاپتارعا تولىق سايكەس كەلەتىن مامانداندىرىلعان ۇيىم جۇزەگە اسىرادى.

سونىمەن قاتار، جوبا اياسىندا كەزەڭدىك قوعامدىق ەسەپتىلىك قاراستىرىلعان: ۋتيليزاسيا بارىسى، جينالعان دارىلەردىڭ كولەمى جانە ارالىق ناتيجەلەر تۋرالى اقپارات EcoNetwork سايتىنا جاريالانىپ وتىرادى. بۇل – اشىقتىقتى قامتاماسىز ەتۋ جانە قوعامنىڭ بەلسەندى قاتىسۋىنا جاعداي جاساۋ ماقساتىندا قولعا الىنعان.

كادەگە جاراتۋ ءۇشىن ارنايى كونتەينەرلەر ورناتىلعان مەديسينالىق مەكەمەلەرى:

• «№36 قالالىق ەمحانا» شجق كمك-ش/ا. شۇعىلا، 340ا.
• «№26 قالالىق ەمحانا» شجق كمك — ش/ا. تاۋسامالى نايزاعاي كوشەسى، 102.
• «№27 قالالىق ەمحانا» شجق كمك-ش/ا. اقجار داۋلەتكەرەي كوشەسى، 140.
• «№7 قالالىق ەمحانا» شجق كمك — ش/ا. قالقامان 20.
• «№10 قالالىق ەمحانا» شجق كمك-ش/ا. اقساي-4، 17 ءۇي.
• «№6 قالالىق ەمحانا» پۆح كمك-ش/ا. 4، التىنسارين داڭعىلى، 3ا.
• «№2 قالالىق ەمحانا» پۆح مكك — شۋحوۆ كوشەسى 37ب.
• مەدەۋ اۋدانىنىڭ مساك ورتالىعى شجق كمك — چايكينا كوشەسى، 12 ا.
• «№5 قالالىق كلينيكالىق اۋرۋحانا» پۆح مكك — دوستىق كوشەسى، 220.
• «الاتاۋ قالالىق اۋرۋحاناسى» شجق كمك — ش / ا. الاتاۋ، جەتبايەۆ كوشەسى، 28.
• «№1 قالالىق ەمحانا» پۆح مكك — گوگول كوشەسى، 53/65.
• «№11 قالالىق ەمحانا» شجق كمك — جۇمابايەۆ كوشەسى، 87.
• «№21 قالالىق ەمحانا» شجق كمك-ش/ا. كوكجيەك، 66.
• «قۇلاگەر پشو" شجق كمك-ش/ا. قۇلاگەر، 34ا.
• «№14 قالالىق ەمحانا» شجق كمك — ش/ا. ايگەرىم-1 ۆ. بەنبەرين كوشەسى، 22.
• «№22 قالالىق ەمحانا» شجق كمك-ش/ا. شاڭىراق-2، جانقوجا باتىر كوشەسى، 193ا.
• «№23 قالالىق ەمحانا» شجق كمك-ش / ا. ۇلجان-1 جالايىري كوشەسى-34.
• «№25 قالالىق ەمحانا» شجق كمك-ش/ا. دارحان، حاليفۆا التاي كوشەسى، 24/1 .
• «№4 قالالىق ەمحانا» شجق كمك — ش/ا. وربيتا-3، د. 12.
• «№7 قالالىق ەمحانا» پۆح كمك — بۇقار جىراۋ كوشەسى، 14 ءۇي.
• «№12 قالالىق ەمحانا» پۆح كمك — پوپوۆ كوشەسى، 23/12 ءۇي.
• «№17 قالالىق ەمحانا» پۆح كمك-باسەنوۆ كوشەسى، 2 ءۇي.
• «№9 قالالىق ەمحانا» پۆح كمك — شولوحوۆ كوشەسى، 17 .
• «№13 قالالىق ەمحانا» پۆح كمك — ت.سەيفۋللين داڭعىلى، 97.
• «№19 قالالىق ەمحانا» پۆح كمك — پاپانين كوشەسى، 220.
• «№20 قالالىق ەمحانا» پۆح كمك — جۇلدىز 1 شاعىن اۋدانى، 5ۆ.
• «№24 قالالىق ەمحانا» پۆح كمك — زەمنۋحوۆ كوشەسى ، 3/1 .
• «№28 قالالىق ەمحانا» پۆح كمك-ش/ا. جاس قانات، 54/2.
• «№32 قالالىق ەمحانا» پۆح مكك — مونتاجنايا كوشەسى، 33.
• №8 مكب ج ش س (ەمحانا) — اقان سەرى كوشەسى، 36.
• «№3 قالالىق ەمحانا» پۆح كمك — روزىباكييەۆ كوشەسى، 74.
• «№5 قالالىق ەمحانا» پۆح كمك — ماقاتايەۆ كوشەسى، 141 .
• «№8 قالالىق ەمحانا» پۆح كمك — تۇركەبايەۆ كوشەسى، 40.
• «№30 قالالىق ەمحانا» پۆح كمك — جىبەك جولى كوشەسى، 128.
• «المالى اۋدانىنىڭ مساك ورتالىعى» شجق كمك — تولە بي كوشەسى، 157.
• «ۇوس ارداگەرلەرىنىڭ قالالىق ەمحاناسى» شجق كمك — امانگەلدى كوشەسى، 41 ءۇي.