Almatyda Túrksib aýdanynda áleýmettik nysandardy, atap aitqanda, bilim berý mekemelerin – balabaqshalardy, mektepterdi, kolledjderdi abattandyrý jalǵasýda,- dep habarlaidy Dalanews.kz
Aǵymdaǵy jyldyń aqpan aiynda №195 mektep janyndaǵy 450 oryndyq qosymsha qurylys aiaqtaldy, endi №50 jalpy bilim beretin mektepke kúrdeli jóndeý, seismikalyq kúsheitý júrgizilýde, mundaǵy jumystar 2025 jylǵy jeltoqsanda aiaqtalady.
№59 gimnaziia filialyn rekonstrýktsiialaý jalǵasýda, ol aǵymdaǵy jyldyń tamyz aiynda aiaqtalady. 6100 oryndyq tórt jańa mektep salý boiynsha qurylys-montajý jumystaryn aiaqtaý da olsy kezeńge josparlanǵan. Atalǵan oqý oryndarynyń qurylysy qala ákimdiginiń jobalyq ofisiniń qoldaýymen «Jaily mektep» Ulttyq jobasy aiasynda júrgizilýde.
Aita keteiik, oqýshy oryndarynyń tapshylyǵyn tómendetý maqsatynda ótken jyly №59 mektep-gimnaziiasyn 300 oryndyq seismikalyq kúsheitýmen jáne keńeitýmen jáne №83 gimnaziia filialyn rekonstrýktsiialaý aiaqtaldy.
2024 jyldyń maýsym aiynda Almaty telekommýnikatsiia jáne mashina jasaý kolledjiniń jańa ǵimaratynyń qurylysy bastaldy. Jobada oqý sheberhanalaryn zamanaýi jabdyqtarmen jaraqtandyrý jáne stýdentterge arnalǵan 120 oryndyq jataqhana salý kózdelgen. Jumystardy aiaqtaý 2026 jyldyń qańtaryna josparlanǵan.
Aýdan ákimdigi mektepke deiingi mekemelerge qatysty oryn tapshylyǵyn qysqartý boiynsha jumystar júrgizýde. Ótken jyly seismikalyq kúsheitý jumystary aiaqtalǵannan keiin №70 mamandandyrylǵan bóbekjai ashyldy. Aǵymdaǵy jyldyń birinshi jartyjyldyǵynda «Qairat» sh/a 260 oryndyq №192 jańa balabaqsha ashý josparlanýda.
