Almatyda opyrylǵan jol úshin tehnıkalyq qadaǵalaý akredıtasıadan aıyryldy, dep habarlaıdy Dalanews.kz.
Iassaýı jáne Dastan kósheleri qıylysynda opyrylǵan tasjoldan soń Qala qurylysyn baqylaý basqarmasy Dostyq shaǵynaýdanynda ınjenerlik jelilerdiń qurylys nysandaryna jospardan tys tekseris júrgizgen.
"Tehnıkalyq qadaǵalaý qyzmetin júzege asyrǵan "Alataý sapa qurylys" JSHS-ǵa tıisti baqylaý júrgizbegeni úshin ákimshilik sharalar qoldanyldy. Tekseris qorytyndysy boıynsha akkredıttelý týraly kýáliginen aıyryldy", - dep jazylǵan ákimdik habarlamasynda.
Oǵan qosa joba sheshimderinen aýytqyp, qurylys salasyndaǵy memlekettik talaptardy saqtamaǵany úshin merdiger uıym "SPESKOMMÝNSTROI" JSHS-ǵa ákimshilik sharalar qabyldanǵan.
Eske salaıyq, jýyrda Almatynyń Qalalyq josparlaý jáne ýrbanıstıka basqarmasy "AsiaMax" JSHS qurylys kompanıasynyń lısenzıasyn toqtatty.
