الماتىدا وپىرىلعان جول ءۇشىن تەحنيكالىق قاداعالاۋ اككرەديتاسيادان ايىرىلدى، دەپ حابارلايدى Dalanews.kz.
ياسساۋي جانە داستان كوشەلەرى قيىلىسىندا وپىرىلعان تاسجولدان سوڭ قالا قۇرىلىسىن باقىلاۋ باسقارماسى دوستىق شاعىناۋدانىندا ينجەنەرلىك جەلىلەردىڭ قۇرىلىس نىساندارىنا جوسپاردان تىس تەكسەرىس جۇرگىزگەن.
"تەحنيكالىق قاداعالاۋ قىزمەتىن جۇزەگە اسىرعان "الاتاۋ ساپا قۇرىلىس" جشس-عا ءتيىستى باقىلاۋ جۇرگىزبەگەنى ءۇشىن اكىمشىلىك شارالار قولدانىلدى. تەكسەرىس قورىتىندىسى بويىنشا اككرەديتتەلۋ تۋرالى كۋالىگىنەن ايىرىلدى"، - دەپ جازىلعان اكىمدىك حابارلاماسىندا.
وعان قوسا جوبا شەشىمدەرىنەن اۋىتقىپ، قۇرىلىس سالاسىنداعى مەملەكەتتىك تالاپتاردى ساقتاماعانى ءۇشىن مەردىگەر ۇيىم "سپەسكوممۋنستروي" جشس-عا اكىمشىلىك شارالار قابىلدانعان.
ەسكە سالايىق، جۋىردا الماتىنىڭ قالالىق جوسپارلاۋ جانە ۋربانيستيكا باسقارماسى "AsiaMax" ج ش س قۇرىلىس كومپانياسىنىڭ ليسەنزياسىن توقتاتتى.
