Arba jóndeý sheberhanasy 470 múgedek adamǵa qyzmet kórsetýde. Bul týral Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi.
Onyń aitýynsha, 2023 jyly kreslo-arbalardy jóndeý boiynsha keminde 600 qyzmet kórsetý josparlanýda.
– Múgedek jandarǵa jáne múmkindigi shekteýli balalarǵa qosymsha «Invataksi» qyzmetteri usynylady. «Invataksi» qyzmetimen qamtamasyz etý 100 avtokólikke memlekettik áleýmettik tapsyrys arqyly júzege asyryp kelemiz. Sondai-aq, «Iandeks taksi» taksi agregatory arqyly qyzmetti iske qosý boiynsha pilottyq joba iske qosylýda. Osylaisha qaladaǵy múgedektigi bar azamattardyń júrýine qolaily jaǵdai jasaýǵa barynsha kúsh salýdamyz, – dep atap ótti basqarma basshysy.
Budan basqa Almaty qalasynda múgedek adamdardy jan-jaqty qoldaý jáne olardy qoǵamǵa integratsiialaý úshin qalada 2020 jyldyń mamyr aiynan bastap «Ten Qogam» áleýmettik qoldaý ortalyǵy jumys istep keledi.
– Aǵymdaǵy jyly Almaty qalasy ákiminiń «Ten Qogam» múgedektigi bar adamdardy áleýmettik qoldaý ortalyǵy» áleýmettik jobasyn aýqymyn keńeitý jónindegi tapsyrmaǵa orai, qala boiynsha 7 ortalyq ashý jóninde sheshim qabyldandy. Jyl basynan beri «Ten Qogam» ortalyqtarynda 3 065 adamǵa qyzmet kórsetildi, – dedi Baýyrjan Jaýbasov.
