Qazaqstan Respýblikasynyń Prezidenti Qasym-Jomart Toqaevtyń tapsyrmasy boiynsha Almaty qalasynyń ákimi Darhan Satybaldy megapolistiń mádeniet jáne eńbek ujymdarynyń kórnekti ókilderine memlekettik nagradalardy tabys etti,- dep habarlaidy Dalanews.kz
«Otan» ordenimen otandyq ádebietti damytýǵa, rýhani qundylyqtardy saqtaýǵa jáne qazaq mádenietin ilgeriletýge qosqan zor úlesi úshin belgili qazaqstandyq jazýshy Tynymbai Nurmaǵanbetov marapattaldy. Saltanatty rásim 2025 jyly elimizde jariialanǵan Jumysshy mamandyqtar jyly aiasynda ótti.
Tynymbai Nurmaǵanbetovti quttyqtai otyryp, Almaty ákimi jazýshyǵa kóp jylǵy ádebi qyzmeti, ulttyq ideiaǵa adaldyǵy jáne Qazaqstannyń rýhani murasyn damytýǵa qosqan eleýli úlesi úshin alǵys bildirdi.
Tynymbai Nurmaǵanbetuly Nurmaǵanbetov - qazirgi qazaq prozasynyń jarqyn ókilderiniń biri, eńbek ardageri. 1945 jyly Qyzylorda oblysy Jańaqorǵan aýdanynda dúniege kelgen. N. V. Gogol atyndaǵy Qyzylorda pedagogikalyq institýtynyń filologiia fakýltetin, sondai-aq, Máskeýdegi M. Gorkii atyndaǵy Ádebiet institýtynyń janyndaǵy Joǵary ádebi kýrstardy bitirgen.
Jarty ǵasyrdan astam shyǵarmashylyq qyzmet barysynda jazýshy onnan astam jinaq shyǵardy, onyń ishinde «Qaýyn iisi», «Qosh bol, ata», «Qarlyǵashtyń uiasy», «Tunyq sý», «Aiqai» jáne basqalary bar. Jazýshy shyǵarmalary iri odaqtas baspalarda jaryq kórdi, orys jáne basqa da birqatar tilge aýdaryldy. Al onyń pesalary jelisimen qoiylymdar qazaq teatrlarynyń sahnalarynda qoiylyp keledi.
M. Gorkii atyndaǵy Búkilodaqtyq jastar syilyǵynyń jáne Qazaqstan Respýblikasynyń Abai atyndaǵy ádebiet jáne óner salasyndaǵy Memlekettik syilyǵynyń laýreaty, «Qurmet» ordeniniń iegeri Tynymbai Nurmaǵanbetov qazaq mádenietin baiytýǵa jáne qoǵamnyń rýhani damýyna baǵa jetpes úles qosty.
Sonymen qatar Memleket basshysynyń tapsyrmasy boiynsha Ahanaev Dónesbai Ótepbaiuly marapattaldy. Ol - «Almaty Sý» MKK Túrksib aýdandyq paidalaný ýchaskesiniń slesari.
Kásiporynda jumys istegen kezden beri Dónesbai Ótepbaiuly ózin kásibi bilikti, eńbekqor, jaýapty jáne isker qyzmetker retinde kórsetti. Apatty ýchaskelerge jedel baryp, shuǵyl jáne utymdy sheshimderdi dereý qabyldaý qabiletimen erekshelenedi.
«Almaty Sý» MKK Jetisý aýdandyq paidalaný ýchaskesiniń slesari Litvinov Dmitrii Aleksandrovich te «Eren eńbegi úshin» medalimen marapattaldy. Dmitrii Aleksandrovich óziniń kúndelikti qajyrly eńbegi arqyly Almaty qalasynyń sý qubyry jelileriniń úzdiksiz jumys isteýin qamtamasyz etýge eleýli úles qosyp keledi. Sonyń arqasynda shahardyń on myńnan asatyn turǵyny sapaly jáne turaqty aýyz sýmen qamtamasyz etilýde.
Memlekettik marapattar kóp jylǵy adal eńbek, joǵary kásibilik, qala sharýashylyǵynyń damýyna qosqan eleýli úles úshin tabystaldy.
