قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ تاپسىرماسى بويىنشا الماتى قالاسىنىڭ ەكٸمٸ دارحان ساتىبالدى مەگاپوليستٸڭ مەدەنيەت جەنە ەڭبەك ۇجىمدارىنىڭ كٶرنەكتٸ ٶكٸلدەرٸنە مەملەكەتتٸك ناگرادالاردى تابىس ەتتٸ,- دەپ حابارلايدى Dalanews.kz
«وتان» وردەنٸمەن وتاندىق ەدەبيەتتٸ دامىتۋعا, رۋحاني قۇندىلىقتاردى ساقتاۋعا جەنە قازاق مەدەنيەتٸن ٸلگەرٸلەتۋگە قوسقان زور ٷلەسٸ ٷشٸن بەلگٸلٸ قازاقستاندىق جازۋشى تىنىمباي نۇرماعانبەتوۆ ماراپاتتالدى. سالتاناتتى رەسٸم 2025 جىلى ەلٸمٸزدە جارييالانعان جۇمىسشى ماماندىقتار جىلى اياسىندا ٶتتٸ.
تىنىمباي نۇرماعانبەتوۆتٸ قۇتتىقتاي وتىرىپ, الماتى ەكٸمٸ جازۋشىعا كٶپ جىلعى ەدەبي قىزمەتٸ, ۇلتتىق يدەياعا ادالدىعى جەنە قازاقستاننىڭ رۋحاني مۇراسىن دامىتۋعا قوسقان ەلەۋلٸ ٷلەسٸ ٷشٸن العىس بٸلدٸردٸ.
تىنىمباي نۇرماعانبەتۇلى نۇرماعانبەتوۆ - قازٸرگٸ قازاق پروزاسىنىڭ جارقىن ٶكٸلدەرٸنٸڭ بٸرٸ, ەڭبەك ارداگەرٸ. 1945 جىلى قىزىلوردا وبلىسى جاڭاقورعان اۋدانىندا دٷنيەگە كەلگەن. ن. ۆ. گوگول اتىنداعى قىزىلوردا پەداگوگيكالىق ينستيتۋتىنىڭ فيلولوگييا فاكۋلتەتٸن, سونداي-اق, مەسكەۋدەگٸ م. گوركيي اتىنداعى ەدەبيەت ينستيتۋتىنىڭ جانىنداعى جوعارى ەدەبي كۋرستاردى بٸتٸرگەن.
جارتى عاسىردان استام شىعارماشىلىق قىزمەت بارىسىندا جازۋشى وننان استام جيناق شىعاردى, ونىڭ ٸشٸندە «قاۋىن يٸسٸ», «قوش بول, اتا», «قارلىعاشتىڭ ۇياسى», «تۇنىق سۋ», «ايقاي» جەنە باسقالارى بار. جازۋشى شىعارمالارى ٸرٸ وداقتاس باسپالاردا جارىق كٶردٸ, ورىس جەنە باسقا دا بٸرقاتار تٸلگە اۋدارىلدى. ال ونىڭ پەسالارى جەلٸسٸمەن قويىلىمدار قازاق تەاترلارىنىڭ ساحنالارىندا قويىلىپ كەلەدٸ.
م. گوركيي اتىنداعى بٷكٸلوداقتىق جاستار سىيلىعىنىڭ جەنە قازاقستان رەسپۋبليكاسىنىڭ اباي اتىنداعى ەدەبيەت جەنە ٶنەر سالاسىنداعى مەملەكەتتٸك سىيلىعىنىڭ لاۋرەاتى, «قۇرمەت» وردەنٸنٸڭ يەگەرٸ تىنىمباي نۇرماعانبەتوۆ قازاق مەدەنيەتٸن بايىتۋعا جەنە قوعامنىڭ رۋحاني دامۋىنا باعا جەتپەس ٷلەس قوستى.
سونىمەن قاتار مەملەكەت باسشىسىنىڭ تاپسىرماسى بويىنشا احاناەۆ دٶنەسباي ٶتەپبايۇلى ماراپاتتالدى. ول - «الماتى سۋ» مكك تٷركسٸب اۋداندىق پايدالانۋ ۋچاسكەسٸنٸڭ سلەسارٸ.
كەسٸپورىندا جۇمىس ٸستەگەن كەزدەن بەرٸ دٶنەسباي ٶتەپبايۇلى ٶزٸن كەسٸبي بٸلٸكتٸ, ەڭبەكقور, جاۋاپتى جەنە ٸسكەر قىزمەتكەر رەتٸندە كٶرسەتتٸ. اپاتتى ۋچاسكەلەرگە جەدەل بارىپ, شۇعىل جەنە ۇتىمدى شەشٸمدەردٸ دەرەۋ قابىلداۋ قابٸلەتٸمەن ەرەكشەلەنەدٸ.
«الماتى سۋ» مكك جەتٸسۋ اۋداندىق پايدالانۋ ۋچاسكەسٸنٸڭ سلەسارٸ ليتۆينوۆ دميتريي الەكساندروۆيچ تە «ەرەن ەڭبەگٸ ٷشٸن» مەدالٸمەن ماراپاتتالدى. دميتريي الەكساندروۆيچ ٶزٸنٸڭ كٷندەلٸكتٸ قاجىرلى ەڭبەگٸ ارقىلى الماتى قالاسىنىڭ سۋ قۇبىرى جەلٸلەرٸنٸڭ ٷزدٸكسٸز جۇمىس ٸستەۋٸن قامتاماسىز ەتۋگە ەلەۋلٸ ٷلەس قوسىپ كەلەدٸ. سونىڭ ارقاسىندا شاھاردىڭ ون مىڭنان اساتىن تۇرعىنى ساپالى جەنە تۇراقتى اۋىز سۋمەن قامتاماسىز ەتٸلۋدە.
مەملەكەتتٸك ماراپاتتار كٶپ جىلعى ادال ەڭبەك, جوعارى كەسٸبيلٸك, قالا شارۋاشىلىعىنىڭ دامۋىنا قوسقان ەلەۋلٸ ٷلەس ٷشٸن تابىستالدى.
