Almaty qalasy ákiminiń orynbasary Beibit Shahanov Bostandyq aýdanyndaǵy salynyp jatqan turǵyn úi keshenderin aralap kórdi, dep habarlaidy Dalanews.kz
Ol qurylys kompaniialarynyń basshylyǵyna bekitilgen eskizdik jobalarǵa qatań sáikes jumys júrgizýdiń mańyzyn atap ótti.
«Turǵyn úi keshenderiniń qurylysy bekitilgen jobalarǵa sai bolýy tiis. Sizder turǵyndarǵa ne ýáde berdińizder, sony oryndaýlaryńyz qajet. Áitpese, úiler paidalanýǵa berilmeidi», – dedi Beibit Shahanov.
Sonymen qatar, ákim orynbasary barlyq injenerlik jeliler tehnikalyq sharttarǵa sai kelip, tek kommýnaldyq qyzmetterdiń balansyna tapsyrylýy qajet ekenin aitty.
«Sońǵy kezde qurylys salýshylar injenerlik jelilerdi basqarýshy kompaniialarǵa ótkizip, keiin olardan bas tartatyn jaǵdailar jiilep ketti. Munyń saldary – turǵyndar úshin qosymsha shyǵyn, al qalalyq qyzmetter bul máselelerdi óz kúshimen sheshýge májbúr. Mundaiǵa jol berilmeidi, zań buzǵan kompaniialarǵa qatań sharalar qoldanylady», – dedi ol.
Aralaý qorytyndysy boiynsha tiisti basqarmalarǵa osy baǵyttar boiynsha baqylaýdy kúsheitý, sondai-aq turǵyn úi keshenderin paidalanýǵa berý aldynda abattandyrýdyń, kógaldandyrýdyń jáne ǵimarattardy jaryqtandyrýdyń sapasyn tekserý tapsyryldy.
