الماتى قالاسى ەكٸمٸنٸڭ ورىنباسارى بەيبٸت شاحانوۆ بوستاندىق اۋدانىنداعى سالىنىپ جاتقان تۇرعىن ٷي كەشەندەرٸن ارالاپ كٶردٸ, دەپ حابارلايدى Dalanews.kz
ول قۇرىلىس كومپانييالارىنىڭ باسشىلىعىنا بەكٸتٸلگەن ەسكيزدٸك جوبالارعا قاتاڭ سەيكەس جۇمىس جٷرگٸزۋدٸڭ ماڭىزىن اتاپ ٶتتٸ.
«تۇرعىن ٷي كەشەندەرٸنٸڭ قۇرىلىسى بەكٸتٸلگەن جوبالارعا ساي بولۋى تيٸس. سٸزدەر تۇرعىندارعا نە ۋەدە بەردٸڭٸزدەر, سونى ورىنداۋلارىڭىز قاجەت. ەيتپەسە, ٷيلەر پايدالانۋعا بەرٸلمەيدٸ», – دەدٸ بەيبٸت شاحانوۆ.
سونىمەن قاتار, ەكٸم ورىنباسارى بارلىق ينجەنەرلٸك جەلٸلەر تەحنيكالىق شارتتارعا ساي كەلٸپ, تەك كوممۋنالدىق قىزمەتتەردٸڭ بالانسىنا تاپسىرىلۋى قاجەت ەكەنٸن ايتتى.
«سوڭعى كەزدە قۇرىلىس سالۋشىلار ينجەنەرلٸك جەلٸلەردٸ باسقارۋشى كومپانييالارعا ٶتكٸزٸپ, كەيٸن ولاردان باس تارتاتىن جاعدايلار جيٸلەپ كەتتٸ. مۇنىڭ سالدارى – تۇرعىندار ٷشٸن قوسىمشا شىعىن, ال قالالىق قىزمەتتەر بۇل مەسەلەلەردٸ ٶز كٷشٸمەن شەشۋگە مەجبٷر. مۇندايعا جول بەرٸلمەيدٸ, زاڭ بۇزعان كومپانييالارعا قاتاڭ شارالار قولدانىلادى», – دەدٸ ول.
ارالاۋ قورىتىندىسى بويىنشا تيٸستٸ باسقارمالارعا وسى باعىتتار بويىنشا باقىلاۋدى كٷشەيتۋ, سونداي-اق تۇرعىن ٷي كەشەندەرٸن پايدالانۋعا بەرۋ الدىندا اباتتاندىرۋدىڭ, كٶگالداندىرۋدىڭ جەنە عيماراتتاردى جارىقتاندىرۋدىڭ ساپاسىن تەكسەرۋ تاپسىرىلدى.
