Almaty turǵyny qańtar aiynda kommýnaldyq tólemderdiń birneshe ese óskenin aityp, shaǵymdandy, dep habarlaidy Dalanews.kz.
Bul máselege qatysty qala ákimi Erbolat Dosaev túsinikteme berip, tarifterge tótenshe ózgeris engizilmegenin, tek jańa saralanǵan júie iske qosylǵanyn málimdedi.
“Biz tarifterdi kúrt kótergen joqpyz. Tek tutyný kólemine qarai saralaý júiesin engizdik. Ár adamǵa qajet sýdyń ortasha mólsheri eseptelip, jańa normalar belgilendi. Bul júie esepshottardy retke keltirýge múmkindik beredi. Eger turǵyndar sýdy únemdep, tek qajettilikterge paidalansa, belgilengen mólsherleme jetkilikti bolady. Tek sýdy artyq aǵyzbai, krandy ýaqytynda jabý qajet”, – dedi Dosaev.
Sonymen qatar ákim sýdy únemdeý máselesiniń mańyzdylyǵyn atap ótip, Almatyda qosymsha sý kózderin izdeý jumystary júrgizilip jatqanyn aitty.
“Sý – baǵa jetpes resýrs. Biz jerasty sý kózderin anyqtaý baǵytynda jumys istep jatyrmyz. Degenmen qazirdiń ózinde qalada sý qory jetkilikti. Aldaǵy ýaqytta onyń sapasyn jaqsartyp, tutyný mólsherin azaitý úshin tiisti sharalar qolǵa alynady”, – dedi qala basshysy.
