Almatyda Memleket basshysynyń tapsyrmasymen salynǵan Ulttyq ǵylymi juqpaly aýrýlar ortalyǵy paidalanýǵa berildi, dep habarlaidy Dalanews.kz.
Jańa ortalyqtyń ashylý rásimine Premer-ministrdiń orynbasary – mádeniet jáne aqparat ministri Aida Balaeva, densaýlyq saqtaý ministri Aqmaral Álnazarova jáne Almaty qalasynyń ákimi Darhan Satybaldy qatysty.
Ulttyq ǵylymi juqpaly aýrýlar ortalyǵy pandemiia sabaqtaryn eskere otyryp, eldiń biologiialyq qaýipsizdigin kúsheitý maqsatynda qurylǵan. Munda ǵylymi zertteýler, klinikalyq kómek, tsifrlyq tehnologiialar men kadr daiarlaý bir júiege biriktirilgen. Ortalyq 350 tósek-orynǵa eseptelgen jáne jyl saiyn týberkýlezben aýyratyn shamamen 2,5 myń naýqasqa meditsinalyq kómek kórsetýge múmkindik beredi. Tótenshe jaǵdai týyndasa, qýaty 500 orynǵa deiin keńeitile alady.
«Bul ortalyq Prezidenttiń tapsyrmasymen ult densaýlyǵyn nyǵaitý jáne biologiialyq qaýipsizdikti qamtamasyz etý úshin salyndy. Munda ǵylym, ozyq tehnologiia jáne bolashaq mamandardy daiarlaý bir arnaǵa toǵysty. Ulttyq ǵylymi juqpaly aýrýlar ortalyǵy zamanaýi qazaqstandyq meditsinanyń flagmanyna ainalady dep senemin», – dedi Aida Balaeva.
Ortalyq tolyq avtonomdy jumys isteidi jáne diagnostikadan bastap kúrdeli zerthanalyq taldaýlarǵa deiingi tolyq tsikldy qamtidy. Munda dárige tózimdi týberkýlezdi qosa alǵanda, infektsiialyq jáne parazitarlyq aýrýlardy anyqtaý men emdeýge barlyq jaǵdai jasalǵan.
Jańa nysan juqpaly qaýip-qaterlerge jedel áreket etetin ulttyq júieniń negizgi tiregine ainalyp, ǵylymi ázirlemeler men kásibi mamandardy daiarlaýdyń bazasy bolady dep kútilýde.
