الماتىدا مەملەكەت باسشىسىنىڭ تاپسىرماسىمەن سالىنعان ۇلتتىق عىلىمي جۇقپالى اۋرۋلار ورتالىعى پايدالانۋعا بەرٸلدٸ, دەپ حابارلايدى Dalanews.kz.
جاڭا ورتالىقتىڭ اشىلۋ رەسٸمٸنە پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا, دەنساۋلىق ساقتاۋ مينيسترٸ اقمارال ەلنازاروۆا جەنە الماتى قالاسىنىڭ ەكٸمٸ دارحان ساتىبالدى قاتىستى.
ۇلتتىق عىلىمي جۇقپالى اۋرۋلار ورتالىعى پاندەمييا ساباقتارىن ەسكەرە وتىرىپ, ەلدٸڭ بيولوگييالىق قاۋٸپسٸزدٸگٸن كٷشەيتۋ ماقساتىندا قۇرىلعان. مۇندا عىلىمي زەرتتەۋلەر, كلينيكالىق كٶمەك, تسيفرلىق تەحنولوگييالار مەن كادر دايارلاۋ بٸر جٷيەگە بٸرٸكتٸرٸلگەن. ورتالىق 350 تٶسەك-ورىنعا ەسەپتەلگەن جەنە جىل سايىن تۋبەركۋلەزبەن اۋىراتىن شامامەن 2,5 مىڭ ناۋقاسقا مەديتسينالىق كٶمەك كٶرسەتۋگە مٷمكٸندٸك بەرەدٸ. تٶتەنشە جاعداي تۋىنداسا, قۋاتى 500 ورىنعا دەيٸن كەڭەيتٸلە الادى.
«بۇل ورتالىق پرەزيدەنتتٸڭ تاپسىرماسىمەن ۇلت دەنساۋلىعىن نىعايتۋ جەنە بيولوگييالىق قاۋٸپسٸزدٸكتٸ قامتاماسىز ەتۋ ٷشٸن سالىندى. مۇندا عىلىم, وزىق تەحنولوگييا جەنە بولاشاق مامانداردى دايارلاۋ بٸر ارناعا توعىستى. ۇلتتىق عىلىمي جۇقپالى اۋرۋلار ورتالىعى زاماناۋي قازاقستاندىق مەديتسينانىڭ فلاگمانىنا اينالادى دەپ سەنەمٸن», – دەدٸ ايدا بالاەۆا.
ورتالىق تولىق اۆتونومدى جۇمىس ٸستەيدٸ جەنە دياگنوستيكادان باستاپ كٷردەلٸ زەرتحانالىق تالداۋلارعا دەيٸنگٸ تولىق تسيكلدى قامتيدى. مۇندا دەرٸگە تٶزٸمدٸ تۋبەركۋلەزدٸ قوسا العاندا, ينفەكتسييالىق جەنە پارازيتارلىق اۋرۋلاردى انىقتاۋ مەن ەمدەۋگە بارلىق جاعداي جاسالعان.
جاڭا نىسان جۇقپالى قاۋٸپ-قاتەرلەرگە جەدەل ەرەكەت ەتەتٸن ۇلتتىق جٷيەنٸڭ نەگٸزگٸ تٸرەگٸنە اينالىپ, عىلىمي ەزٸرلەمەلەر مەن كەسٸبي مامانداردى دايارلاۋدىڭ بازاسى بولادى دەپ كٷتٸلۋدە.
