Almaty ákimi Erbolat Dosaev jylytý maýsymyn aiaqtaý jáne 2025-2026 jyldardaǵy kelesi jylytý maýsymyna daiyndyq máselesi boiynsha jumys keńesin ótkizdi. Almatyda áleýmettik nysandar men turǵyn úilerge jylý berýdi kezeń-kezeńimen óshirý 10 sáýirden bastalady, dep habarlaidy Dalanews.kz
Qazirgi jaǵdai týraly Energetika jáne sý sharýashylyǵy basqarmasynyń, «Almaty jylý jelileri», «Almatyjylýkommýnenergo», «Almaty elektr stantsiialary», «Alataý Jaryq Kompaniiasy», «Almaty Sý», Almaty filialy «QazaqGaz Aimaq» ókilderi baiandady. Uiymdardyń málimetinshe, 2024-2025 jyldardaǵy jylý maýsymy shtattyq rejimde ótip jatyr. Barlyǵy 404 bilim berý, 128 densaýlyq saqtaý jáne 8 863 turǵyn úi ortalyqtandyrylǵan jylýmen qamtamasyz etilgen.
Jylytý maýsymyn daiyndaý jáne ótkizý erejesine sáikes, Almatyda syrtqy aýa temperatýrasynyń ortasha táýliktik +8⁰ jáne odan joǵary bolǵany, gidrometeorologiialyq qyzmet tarapynan bes kún boiy tirkelgeni negizinde 2024-2025 jyldardaǵy jylytý maýsymyn aiaqtaý týraly sheshim qabyldandy.
Jylý berý 10 sáýirden bastap kezeń-kezeńimen óshirile bastaidy, aldymen ákimshilik ǵimarattar, bilim berý mekemeleri, mádeniet nysandar jáne basqalary, keiin turǵyn úiler (turǵyn úi ǵimarattary, jataqhanalar, qonaq úiler) jáne áleýmettik nysandar (balabaqshalar, emdeý mekemeleri, mektepter, kásibi mektepter, meditsinalyq-áleýmettik mekemeler).
Keńes barysynda biyl uzyndyǵy 39 km jylý jelilerin rekonstrýktsiialaý boiynsha aýqymdy jumystar josparlanǵany atap ótildi. Qazirgi tańda jylý jelileri 56,1% tozǵan, qabyldanǵan sharalar arqyly bul kórsetkishti 54,9%-ǵa deiin tómendetý kózdelgen.
Aita ketý kerek, 2024 jyly qalada 20 km jylý júiesi jańartyldy, 85 qazandyqta jóndeý jumystary júrgizildi, bul jylý berý tiimdiligin aitarlyqtai arttyryp, jylytý maýsymyn óshirmei aiaqtaýǵa múmkindik berdi.
