الماتى ەكٸمٸ ەربولات دوساەۆ جىلىتۋ ماۋسىمىن اياقتاۋ جەنە 2025-2026 جىلدارداعى كەلەسٸ جىلىتۋ ماۋسىمىنا دايىندىق مەسەلەسٸ بويىنشا جۇمىس كەڭەسٸن ٶتكٸزدٸ. الماتىدا ەلەۋمەتتٸك نىساندار مەن تۇرعىن ٷيلەرگە جىلۋ بەرۋدٸ كەزەڭ-كەزەڭٸمەن ٶشٸرۋ 10 سەۋٸردەن باستالادى, دەپ حابارلايدى Dalanews.kz
قازٸرگٸ جاعداي تۋرالى ەنەرگەتيكا جەنە سۋ شارۋاشىلىعى باسقارماسىنىڭ, «الماتى جىلۋ جەلٸلەرٸ», «الماتىجىلۋكوممۋنەنەرگو», «الماتى ەلەكتر ستانتسييالارى», «الاتاۋ جارىق كومپانيياسى», «الماتى سۋ», الماتى فيليالى «QazaqGaz Aimaq» ٶكٸلدەرٸ باياندادى. ۇيىمداردىڭ مەلٸمەتٸنشە, 2024-2025 جىلدارداعى جىلۋ ماۋسىمى شتاتتىق رەجيمدە ٶتٸپ جاتىر. بارلىعى 404 بٸلٸم بەرۋ, 128 دەنساۋلىق ساقتاۋ جەنە 8 863 تۇرعىن ٷي ورتالىقتاندىرىلعان جىلۋمەن قامتاماسىز ەتٸلگەن.
جىلىتۋ ماۋسىمىن دايىنداۋ جەنە ٶتكٸزۋ ەرەجەسٸنە سەيكەس, الماتىدا سىرتقى اۋا تەمپەراتۋراسىنىڭ ورتاشا تەۋلٸكتٸك +8⁰ جەنە ودان جوعارى بولعانى, گيدرومەتەورولوگييالىق قىزمەت تاراپىنان بەس كٷن بويى تٸركەلگەنٸ نەگٸزٸندە 2024-2025 جىلدارداعى جىلىتۋ ماۋسىمىن اياقتاۋ تۋرالى شەشٸم قابىلداندى.
جىلۋ بەرۋ 10 سەۋٸردەن باستاپ كەزەڭ-كەزەڭٸمەن ٶشٸرٸلە باستايدى, الدىمەن ەكٸمشٸلٸك عيماراتتار, بٸلٸم بەرۋ مەكەمەلەرٸ, مەدەنيەت نىساندار جەنە باسقالارى, كەيٸن تۇرعىن ٷيلەر (تۇرعىن ٷي عيماراتتارى, جاتاقحانالار, قوناق ٷيلەر) جەنە ەلەۋمەتتٸك نىساندار (بالاباقشالار, ەمدەۋ مەكەمەلەرٸ, مەكتەپتەر, كەسٸبي مەكتەپتەر, مەديتسينالىق-ەلەۋمەتتٸك مەكەمەلەر).
كەڭەس بارىسىندا بيىل ۇزىندىعى 39 كم جىلۋ جەلٸلەرٸن رەكونسترۋكتسييالاۋ بويىنشا اۋقىمدى جۇمىستار جوسپارلانعانى اتاپ ٶتٸلدٸ. قازٸرگٸ تاڭدا جىلۋ جەلٸلەرٸ 56,1% توزعان, قابىلدانعان شارالار ارقىلى بۇل كٶرسەتكٸشتٸ 54,9%-عا دەيٸن تٶمەندەتۋ كٶزدەلگەن.
ايتا كەتۋ كەرەك, 2024 جىلى قالادا 20 كم جىلۋ جٷيەسٸ جاڭارتىلدى, 85 قازاندىقتا جٶندەۋ جۇمىستارى جٷرگٸزٸلدٸ, بۇل جىلۋ بەرۋ تيٸمدٸلٸگٸن ايتارلىقتاي ارتتىرىپ, جىلىتۋ ماۋسىمىن ٶشٸرمەي اياقتاۋعا مٷمكٸندٸك بەردٸ.
