27 qyrkúiek kúni tańerteń Almaty qalasy Alataý aýdany Samǵaý shaǵynaýdanynda órt oqiǵasy tirkeldi. Saǵat 08:30-da Ulan kóshesindegi jeke turǵyn úidiń órtengeni jóninde TJD-ǵa turǵyndardan tórt habarlama túsken, dep habarlaidy Dalanews.kz.
"Oqiǵa ornyna Almaty qalasy Tótenshe jaǵdailar departamentiniń kúshteri men tehnikasy jedel jiberildi. Qyzyl jalyn sharýashylyq qurylystardy, bir qabatty turǵyn úidi jáne ýaqytsha salynǵan nysandardy sharpyǵan", - delingen habarlamada.
Órtti sóndirý jumystaryn ǵimarattardyń tyǵyz ornalasýy men aǵash materialdarynyń kóptigi qiyndatqan. Bul kórshi úilerge ottyń taralý qaýpin kúsheitken. Degenmen, órt sóndirýshilerdiń jedel áreketiniń arqasynda janǵan aýmaqtaǵy sharýashylyq qurylysynyń bir bóligi men kórshiles turǵyn úilerdi aman saqtap qalý múmkin boldy.
"Órt 250 sharshy metr aýmaqty sharpyǵan. Órt saǵat 09:23-te oqshaýlanyp, 09:36-da tolyq sóndirildi. Zardap shekkender týraly aqparat joq", - dedi Almaty qalasy TJD.
