Almaty qalasy boiynsha Qylmystyq atqarý júiesi departamentiniń №11 mekemesinde «Azamattardyń jáne uiymdardyń zańdy múddelerin, quqyǵyn qorǵaý» jobasy aiasynda jazaly jasóspirimdermen kezdesý ótti,- dep habarlaidy Dalanews.kz
Is-sharaǵa QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń, Azamattyq bastamalardy qoldaý ortalyǵy men Mádeniet jáne aqparat ministrliginiń qoldaýymen «Human Rights Lawyers» qoǵamdyq qory «One stop service» jobasynyń komandasy atsalysty.
QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiia tóraǵasynyń orynbasary Aiman Omarova balalardy alda kele jatqan QR Konstitýtsiiasynyń 30 jyldyq merekesimen quttyqtady.
Balalar quqyǵyn qorǵaýmen ainalysatyn ókilder endi bastalatyn jańa oqý jylynyń qurmetine balalarǵa dep oqý quraldaryn kóptep ala kelipti. Sondai-aq jastarǵa fýtbolkalar syilady.
Sarapshylardyń aitýynsha, is-sharanyń maqsaty – jasóspirimderdiń quqyqtyq saýatyn arttyrý, ómirge degen oń kózqarasyn qalyptastyrý arqyly balalardyń qaýipsizdigin qamtamasyz etý.
