Almatyda Jas Gala - 2025 qalalyq stýdenttik kóktem festivaliniń jabylýyna arnalǵan gala- kontsert ótti, dep habarlaidy Dalanews.kz
Festival Almaty qalasy Jastar saiasaty basqarmasynyń qoldaýymen ótti jáne ony «Almaty Stýdentter Aliansy» uiymdastyrdy. 5 naýryzdan 13 mamyrǵa deiin qatysýshylar bes baǵytta baq synasty: vokal, horeografiia, mobilografiia, aspaptyq oryndaý jáne teatr óneri.
Festivalge qatysýǵa 27 JOO jáne 25 kolledj stýdentterinen barlyǵy 608 konkýrstyq ótinim berildi. Qatysýshylardyń jalpy sany 2971 adamdy qurady. Festivaldiń júlde qory - 7 500 000 teńge.
Jas Gala-2025 birqatar ataýly kúnderge orailastyryldy: Uly Otan soǵysyndaǵy Jeńistiń 80 jyldyǵy, jumys isteitin jastar jyly, Qazaqstan halqy Assambleiasynyń 30 jyldyǵy, kórnekti kompozitor, kúishi jáne halyq ártisi Nurǵisa Tilendievtiń 100 jyldyǵy, sondai-aq Shámshi Qaldaiaqovtyń 95 jyldyǵy.
Jeńimpazdardy marapattaý rásimi 13 mamyrda «Konkordiia» stýdenttik teatrynda ótti. Biylǵy jyldyń ereksheligi Nurǵisa Tilendievtiń 100 jyldyǵyna orai «Aspaptyq oryndaý» baǵytyn ótkizý boldy. Onda 122 qatysýshy baq synady. «Ansambldik oryndaý» nominatsiiasy boiynsha birinshi oryndy Almaty mýzykalyq kolledjiniń «Jeldirme» ansambli ielendi. P. I. Chaikovskii. «Solo-oryndaý» nominatsiiasynda sol kolledjdiń stýdenti Skendir Nurdana jeńiske jetti.
Basqa baǵyttarda: Qurmanǵazy atyndaǵy Qazaq ulttyq konservatoriiasynyń Rysbek Asqar vokalda, QazBSQA kolledjiniń "DAPAMINE" komandasy horeografiiada, Abai atyndaǵy Qazaq ulttyq pedagogikalyq ýniversitetiniń QAGANAT stýdenttik teatry Teatr baǵytynda, al «Mobilografiia» baǵytynda Qazaq ulttyq qyzdar pedagogikalyq ýniversitetiniń stýdenti Móldir Ótepova jeńiske jetti.
«Baiqaý joǵary deńgeide ótti. Jyl saiyn ol stýdentterge damý jáne ózin-ózi júzege asyrý úshin kóbirek múmkindikter beredi. «Mobilografiia» baǵytynda bizge eń kólemdi jáne mazmundy taqyryptardyń biri tústi. Biz mamandyqtar týraly beine túsirdik, taqyrypty ashyp, onyń mánin aýditoriiamyzǵa jetkizýge tyrystyq», - dep atap ótti Móldir Ótepova.
Baiqaýǵa qatysýshylardy baǵalaýdy, sondai-aq festivaldiń jabylý saltanatyna qoldaý kórsetýdi belgili mádeniet jáne óner qairatkerleri, Qazaqstandyq estrada juldyzdary qamtamasyz etti. Olardyń qatarynda Qazaqstan Respýblikasynyń eńbek sińirgen ártisteri, dástúrli ánshiler men respýblikalyq jáne halyqaralyq baiqaýlardyń laýreattary Qanat Qudaibergenov pen Aitkúl Qudaibergenova, QR eńbek sińirgen ártisi Aijan Nurmaǵambetova, sondai-aq ulttyq dástúrlerdi dáripteitin tanymal «Alashuly» toby bar.
Tórtinshi jyl qatarynan ótkizilip kele jatqan Jas Gala festivali qalanyń talantty jastaryn anyqtaý jáne olardyń shyǵarmashylyq jolyn qalyptastyrýǵa járdemdesý úshin mańyzdy alańǵa ainaldy.
