الماتىدا Jas Gala - 2025 قالالىق ستۋدەنتتىك كوكتەم فەستيۆالىنىڭ جابىلۋىنا ارنالعان گالا- كونسەرت ءوتتى، دەپ حابارلايدى Dalanews.kz
فەستيۆال الماتى قالاسى جاستار ساياساتى باسقارماسىنىڭ قولداۋىمەن ءوتتى جانە ونى «الماتى ستۋدەنتتەر اليانسى» ۇيىمداستىردى. 5 ناۋرىزدان 13 مامىرعا دەيىن قاتىسۋشىلار بەس باعىتتا ب ا ق سىناستى: ۆوكال، حورەوگرافيا، موبيلوگرافيا، اسپاپتىق ورىنداۋ جانە تەاتر ونەرى.
فەستيۆالگە قاتىسۋعا 27 جوو جانە 25 كوللەدج ستۋدەنتتەرىنەن بارلىعى 608 كونكۋرستىق ءوتىنىم بەرىلدى. قاتىسۋشىلاردىڭ جالپى سانى 2971 ادامدى قۇرادى. فەستيۆالدىڭ جۇلدە قورى - 7 500 000 تەڭگە.
Jas Gala-2025 ءبىرقاتار اتاۋلى كۇندەرگە ورايلاستىرىلدى: ۇلى وتان سوعىسىنداعى جەڭىستىڭ 80 جىلدىعى، جۇمىس ىستەيتىن جاستار جىلى، قازاقستان حالقى اسسامبلەياسىنىڭ 30 جىلدىعى، كورنەكتى كومپوزيتور، كۇيشى جانە حالىق ءارتىسى نۇرعيسا تىلەندييەۆتىڭ 100 جىلدىعى، سونداي-اق ءشامشى قالداياقوۆتىڭ 95 جىلدىعى.
جەڭىمپازداردى ماراپاتتاۋ ءراسىمى 13 مامىردا «كونكورديا» ستۋدەنتتىك تەاترىندا ءوتتى. بيىلعى جىلدىڭ ەرەكشەلىگى نۇرعيسا تىلەندييەۆتىڭ 100 جىلدىعىنا وراي «اسپاپتىق ورىنداۋ» باعىتىن وتكىزۋ بولدى. وندا 122 قاتىسۋشى ب ا ق سىنادى. «انسامبلدىك ورىنداۋ» نوميناسياسى بويىنشا ءبىرىنشى ورىندى الماتى مۋزىكالىق كوللەدجىنىڭ «جەلدىرمە» ءانسامبلى يەلەندى. پ. ي. چايكوۆسكيي. «سولو-ورىنداۋ» نوميناسياسىندا سول كوللەدجدىڭ ستۋدەنتى سكەندىر نۇردانا جەڭىسكە جەتتى.
باسقا باعىتتاردا: قۇرمانعازى اتىنداعى قازاق ۇلتتىق كونسەرۆاتورياسىنىڭ رىسبەك اسقار ۆوكالدا، قازبسقا كوللەدجىنىڭ "DAPAMINE" كومانداسى حورەوگرافيادا، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ QAGANAT ستۋدەنتتىك تەاترى تەاتر باعىتىندا، ال «موبيلوگرافيا» باعىتىندا قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستۋدەنتى ءمولدىر وتەپوۆا جەڭىسكە جەتتى.
«بايقاۋ جوعارى دەڭگەيدە ءوتتى. جىل سايىن ول ستۋدەنتتەرگە دامۋ جانە ءوزىن-وزى جۇزەگە اسىرۋ ءۇشىن كوبىرەك مۇمكىندىكتەر بەرەدى. «موبيلوگرافيا» باعىتىندا بىزگە ەڭ كولەمدى جانە مازمۇندى تاقىرىپتاردىڭ ءبىرى ءتۇستى. ءبىز ماماندىقتار تۋرالى بەينە تۇسىردىك، تاقىرىپتى اشىپ، ونىڭ ءمانىن اۋديتوريامىزعا جەتكىزۋگە تىرىستىق»، - دەپ اتاپ ءوتتى ءمولدىر وتەپوۆا.
بايقاۋعا قاتىسۋشىلاردى باعالاۋدى، سونداي-اق فەستيۆالدىڭ جابىلۋ سالتاناتىنا قولداۋ كورسەتۋدى بەلگىلى مادەنيەت جانە ونەر قايراتكەرلەرى، قازاقستاندىق ەسترادا جۇلدىزدارى قامتاماسىز ەتتى. ولاردىڭ قاتارىندا قازاقستان رەسپۋبليكاسىنىڭ ەڭبەك سىڭىرگەن ارتىستەرى، ءداستۇرلى انشىلەر مەن رەسپۋبليكالىق جانە حالىقارالىق بايقاۋلاردىڭ لاۋرەاتتارى قانات قۇدايبەرگەنوۆ پەن ايتكۇل قۇدايبەرگەنوۆا، ق ر ەڭبەك سىڭىرگەن ءارتىسى ايجان نۇرماعامبەتوۆا، سونداي-اق ۇلتتىق داستۇرلەردى دارىپتەيتىن تانىمال «الاش ۇلى» توبى بار.
ءتورتىنشى جىل قاتارىنان وتكىزىلىپ كەلە جاتقان Jas Gala فەستيۆالى قالانىڭ تالانتتى جاستارىن انىقتاۋ جانە ولاردىڭ شىعارماشىلىق جولىن قالىپتاستىرۋعا جاردەمدەسۋ ءۇشىن ماڭىزدى الاڭعا اينالدى.
