– Jappaı vaksınasıalaýdyń arqasynda Almatynyń bıznes qaýymdastyǵy qatań shekteýlersiz jumys isteý múmkindigine ıe bolady, – dep atap ótti E. Orazalın.
Onyń aıtýynsha, jergilikti bıznes qaýymdastyq densaýlyq saqtaý júıesine qoldaý kórsetip, kóptegen saýda úıleriniń, saýda, oıyn-saýyq ortalyqtary men bazarlardyń bazasynda egý pýnktterin ashty. Osylaısha, bıznes jappaı vaksınasıalaý arqyly ujymdyq ımýnıtetti qalyptastyrýǵa sebepker bolyp otyr.
Odan bólek, jergilikti atqarýshy organdar atynan E. Orazalın kásipkerlerdi vaksına alyp jatqandardy syılyqtarmen qoldaǵany úshin alǵys bildirdi. Jýrnalıserdiń Almatydaǵy SOO-daǵy egý pýnktter bazasynda júrgizilip jatqan utys arqyly syılyq oınatý arqyly qoldaýda eshqandaı óreskeldik kórmegenin atap ótti.
– Mundaı tájirıbe búkil álemde qoldanylady. Kórshiles Reseıde bastapqy aılarda jappaı vaksınalaý belsendi júrmegen, sondyqtan onda yntalandyrý úshin qosymsha sharalardy qoldana bastaǵan. Men bizdiń halqymyz egý pýnktterine utys oıyndaryna qatysý nemese syılyq alý úshin keledi dep oılamaımyn. Bul adamdar vaksınasıa prosesin qoldaıdy jáne eldegi ujymdyq ımýnıtetti jaqyndatady. Sondyqtan olardy yntalandyrý durys sheshim, – dep E. Orazalın óz oıyn bildirdi.
Sonymen qatar, saýda jáne qoǵamdyq tamaqtaný salasyndaǵy kásipkerler óz ujymdaryn klıentterdi qaýipsizdendirý úshin vaksınasıalaýǵa tyrysady. Osylaısha, SHOB qoǵam aldynda KVI-diń qalada taralý qaýpin basa otyryp, áleýmettik jaýapkershilik tanytady. Jalpy, jappaı vaksınasıa men ujymdyq ımýnıtetti qalyptastyrý qala ekonomıkasyn qalpyna keltirip, SHOB qyzmetin yntalandyrýǵa múmkindik beredi.
