Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Almatyda jańa ónerkásip oryndary ashyldy

Dalanews
Almatyda jańa ónerkásip oryndary ashyldy
QR Táýelsizdiginiń 30 jyldyǵy men Astana kúnine orai Almaty qalasynyń Indýstrialdy aimaǵynda jańa úsh ónerkásip orny ashyldy, – dep habarlaidy Dalanews.kz Almaty qalasy Qoǵamdyq damý basqarmasynyń baspasóz qyzmetine silteme jasap.

«Rahat SK» JShS men «G.S.G. Vysotnik» JShS avtoklavty gazbeton óndirý zaýyttary áleýmettik jáne kommertsiialyq turǵyn úidiń iri qurylys kompaniialaryn sapaly qurylys materialdarymen qamtamasyz etedi. Ónimderdi shyǵarýda memlekettik standarttarǵa sáikes jergilikti shikizat qoldanylady.

«SK Rahat» JShS óndirisiniń 1 kezeńiniń qurylysyna 1,5 mlrd teńge investitsiia salyndy. Kásiporyn jylyna 180 myń tekshe metr ónim shyǵarýdy josparlap otyr. Sondai-aq, 40 jańa jumys orny ashylady. «G.S.G. Vysotnik» JShS investitsiia somasy 1,7 mlrd. teńgeden asty. Óndiris qýattylyǵy jylyna 100-120 myń tekshe metrden astam ónim shyǵarady jáne 85 jańa jumys orny ashylady.

Astana kúnine orai «ADS industries» JShS óndiris parkiniń birinshi kezeńi iske qosyldy. «ADS industries» JShS Almaty qalasynyń ákimi B. Saǵyntaevtyń tapsyrmasymen «Almaty Business – 2025» óńirlik baǵdarlamasyna qatysýshysy bolyp tabylady.

Kompaniia óndiristik parktiń qurylysyna shamamen 150 mln teńge investitsiia quidy. Birinshi kezeńde 1, 5 myń sharshy metr engizildi, onda jeńil, metall óńdeý jáne jihaz ónerkásibin óndirýshi shaǵyn jáne orta kásipkerliktiń alty sýbektisi ashylady. Óndiristik parktiń jalpy alańy 4, 5 myń sh.m. quraidy, onda 160 jańa jumys orny ashylady.

Eske salsaq, osy jyldyń birinshi toqsanynda Indýstrialdy aimaqta qýaty jylyna 25 000 tonnadan astam ónim shyǵaratyn ári 80 adamdy jumyspen qamtyǵan «KMK Investment» JShS mys jáne aliýminii symyn shyǵaratyn zaýyt ashylǵan bolatyn. Joba quny – 11,3 mlrd teńge.

Osy jyldyń sońyna deiin Almaty qalasynyń Indýstrialdy aimaǵynda 7 ónerkásip ornyn ashý josparlanyp otyr. Onyń jalpy somasy 37,8 mlrd teńgeni quraidy jáne 658 adamdy jumyspen qamtidy.

Búginde 16 joba iske asýda. Olardyń jalpy somasy 78,2 mlrd teńgeni quraidy, 2,5 myńǵa jýyq adamdy jumyspen qamtyǵan.

Aita keterligi, Indýstrialdy aimaqqa 211,7 mlrd teńgeni quraityn jobalary bar 54 kompaniia kiredi, olar 6,2 myń jańa jumys ornyn ashýdy josparlaýda.
Almaty qalasy investitsiia indýstrialdy aimaq jihaz «G.S.G. Vysotnik» JShS ADS industries Almaty Business – 2025 Madina Sádýaqasova

Oqi otyryńyz