«راحات سك» ج ش س مەن «گ.س.گ. ۆىسوتنيك» ج ش س اۆتوكلاۆتى گازبەتون ءوندىرۋ زاۋىتتارى الەۋمەتتىك جانە كوممەرسيالىق تۇرعىن ءۇيدىڭ ءىرى قۇرىلىس كومپانيالارىن ساپالى قۇرىلىس ماتەريالدارىمەن قامتاماسىز ەتەدى. ونىمدەردى شىعارۋدا مەملەكەتتىك ستاندارتتارعا سايكەس جەرگىلىكتى شيكىزات قولدانىلادى.
«سك راحات» ج ش س ءوندىرىسىنىڭ 1 كەزەڭىنىڭ قۇرىلىسىنا 1،5 ملرد تەڭگە ينۆەستيسيا سالىندى. كاسىپورىن جىلىنا 180 مىڭ تەكشە مەتر ءونىم شىعارۋدى جوسپارلاپ وتىر. سونداي-اق، 40 جاڭا جۇمىس ورنى اشىلادى. «گ.س.گ. ۆىسوتنيك» ج ش س ينۆەستيسيا سوماسى 1،7 ملرد. تەڭگەدەن استى. ءوندىرىس قۋاتتىلىعى جىلىنا 100-120 مىڭ تەكشە مەتردەن استام ءونىم شىعارادى جانە 85 جاڭا جۇمىس ورنى اشىلادى.
استانا كۇنىنە وراي «ADS industries» ج ش س ءوندىرىس پاركىنىڭ ءبىرىنشى كەزەڭى ىسكە قوسىلدى. «ADS industries» ج ش س الماتى قالاسىنىڭ اكىمى ب. ساعىنتايەۆتىڭ تاپسىرماسىمەن «Almaty Business – 2025» وڭىرلىك باعدارلاماسىنا قاتىسۋشىسى بولىپ تابىلادى.
كومپانيا وندىرىستىك پاركتىڭ قۇرىلىسىنا شامامەن 150 ملن تەڭگە ينۆەستيسيا قۇيدى. ءبىرىنشى كەزەڭدە 1، 5 مىڭ شارشى مەتر ەنگىزىلدى، وندا جەڭىل، مەتالل وڭدەۋ جانە جيھاز ونەركاسىبىن ءوندىرۋشى شاعىن جانە ورتا كاسىپكەرلىكتىڭ التى سۋبەكتىسى اشىلادى. وندىرىستىك پاركتىڭ جالپى الاڭى 4، 5 مىڭ ش.م. قۇرايدى، وندا 160 جاڭا جۇمىس ورنى اشىلادى.
ەسكە سالساق، وسى جىلدىڭ ءبىرىنشى توقسانىندا يندۋستريالدى ايماقتا قۋاتى جىلىنا 25 000 توننادان استام ءونىم شىعاراتىن ءارى 80 ادامدى جۇمىسپەن قامتىعان «كمك Investment» ج ش س مىس جانە اليۋمينيي سىمىن شىعاراتىن زاۋىت اشىلعان بولاتىن. جوبا قۇنى – 11،3 ملرد تەڭگە.
وسى جىلدىڭ سوڭىنا دەيىن الماتى قالاسىنىڭ يندۋستريالدى ايماعىندا 7 ونەركاسىپ ورنىن اشۋ جوسپارلانىپ وتىر. ونىڭ جالپى سوماسى 37،8 ملرد تەڭگەنى قۇرايدى جانە 658 ادامدى جۇمىسپەن قامتيدى.
بۇگىندە 16 جوبا ىسكە اسۋدا. ولاردىڭ جالپى سوماسى 78،2 ملرد تەڭگەنى قۇرايدى، 2،5 مىڭعا جۋىق ادامدى جۇمىسپەن قامتىعان.
ايتا كەتەرلىگى، يندۋستريالدى ايماققا 211،7 ملرد تەڭگەنى قۇرايتىن جوبالارى بار 54 كومپانيا كىرەدى، ولار 6،2 مىڭ جاڭا جۇمىس ورنىن اشۋدى جوسپارلاۋدا.
